Old Tibetan Documents Online (OTDO)
P.T.1136
last modified 2001-12-28
P1136,0001 ---
P1136,0002 --- ?rgyal ?gra ---
P1136,0003 rgyal du gshegs / / gnyan dang klu yan chad rgyal gshegs pa ni g-yen dgu bya tham shad rang rang
P1136,0004 bdud tang 'dre bar smoso *smos *so / / ma bla cud ki rgyal gshegs na smya bo lag rings rgyal du gshegs / de mo
P1136,0005 sho'i rgyal gshegs na' ske ga pung 'dur / 'brongdu ?'brong --- gyi rgyal du gshegs / bdag shing pha dgu
P1136,0006 rgyal du gshegs / sribs shing ma bcu'I rgyal du gshegs / / rabs rdzogso *rdzogs so / /
P1136,0007 # / : / yul dga' yul byang rnams na smra myi ste btsun po dang rma myi de btsun po gnyis shig mchis na / / 'o na smra myi ste
P1136,0008 btshun po snying du yang rma myi de las sdug ma mchis / rma myi de'i snying du yang smra myi ste btsun po las sdug
P1136,0009 ma mchiste *mchis *te myi sdug gnyis ni shag rag bgyis gchig shi ni gchig gis bdur bar bgyis gchig rlag ni
P1136,0010 gchig gis btshal bar bgyis na / / 'o na re shig re shigna *shig *na smra myi ste btshun po zhig byang 'brog snam stod du
P1136,0011 g-yag shor 'brong 'gor du gshegs na / 'brong ba myi gshed gyis smra myi ste btshun po zhig myi rta gdum du
P1136,0012 bldugste *bldugs *te bkrongs kyis ma mchis no / / re shig ?re ?shig na rma myi de btsun po zhig ro bsdad ni zhag du ma byond
P1136,0013 zhag bsdad ni slar slar ma byond / --- ni lor ma byon lo bsdad ni snying du ma byon nas / rma myi de btshun
P1136,0014 pho zhig byang ka snam brgyad du smra myi ste btshun po zhig la du byon na smra myi ste btshun po ni 'brong bu myi
P1136,0015 gshed kyis myi dri nu bkrongs kyispur *kyi *spur ma mchis / / ?dang la nas thugs chad ro ?ru *chu chad brang ?gam gdingsu *gdings *su
P1136,0016 gam thugs gnag chad kyis byams stang gi ngo mo ?'tshald spun mchi 'khor gyis ni lta ?dug dkar
P1136,0017 ?mya *sya gzigs du myi ngu na mchi ma khrag gis nguste *ngus *te / smra myi ste btsun --- chen pos / smra myi ste btshun ?po'i ?spur shig ?snaM ?ste
P1136,0018 rma myi de'i btsun po'i mchid nas / smra myi ste btsun po 'od shid du ?gtang ?'tshal *'chal ?brang du gzugs 'tshal gsung ste rgyal ?thag brgyad ni
P1136,0019 bas la bchas / se gru bzhi ni lung du brtsigs / gdan byang gdan khod mo ni gdan du bting / gram mching gram sngon mo ni phabsu *phabs *su bkhroM / / 'o na do
P1136,0020 ma mchis snying dags ma mchis nas / / rma myi de'i btshun po zhig do ma tsholdu *tshol *du mchis snying dags tshol du mchis na / yul sre ga rte'u lung na
P1136,0021 rta pha yab kyi mtshan na / gser rta'I gser ma ron dang ma g-yu rta'i g-yu ma ron gnyis rta gnyis 'tshos kyi bu rmang gnyis 'thams kyi
P1136,0022 bu lo'i dusu *dus *su rte'u bal bu mtshog rum zhig byung ste / rte'u ma pyi 'brang ba las / rma myi de'i btsun pos / mang zhags 'breng gis bzung ste / skyes
P1136,0023 mthu che ni mthu 'is drangs ste / bse'i cho rol du ni bcug / mthing gi damu rtod kyis bsgrogs nas / pyugs spo mnye du ma / smra myi ste btsun po dang
P1136,0024 myi ngan bu gnyis myi sdug gnyis ni shag rag bgyiste *bgyis *te gchig shi ni gchig gIs bdur bar bgyis na / smra myi ste btshun po ni rman teni grongs /
P1136,0025 sdug ste ni rlag na / shid bgyir 'brang gzugsu *gzugs *su / do ma ma mchis snying dags ma mchis na / / pyugs smo ma khyod kyis chab gang lar bgyi 'tshal
P1136,0026 yang ba rab du spogs 'tshal zhes mchi nas / / yul dga' yul byang ?rnam *rnams ?su ?rte'u bal bu khri de bzhud nas / mying dang btshan btags pa'
P1136,0027 ser ngang 'ger btags nas 'tshal te mchis nas bres rta bres skyal mo skyil mor stsald nas / 'bras kyi lcang pa ni gsan ca bu ram nyug
P1136,0028 cu ni blud nas / pum phum ni dar gyis bchings / dbul bya ru khyung ru ni btsugs / rngog ma ni gsham du bkye / sogs shan sge'u gong ni / khabsu *khabs *su
P1136,0029 bkab / mjug mani *ma *ni slungsu *slungs *su stsald te chab gang ni lar btab yang 'ba' ?bab du spagste *pags *ste / phan te bsod do / / nan skorzhib *skor *zhib du bgyi /
P1136,0030 # / : / yul chab kyi ya bgo na rtsang ho de 'i hos bdag dang ma yum gyi mtshan gshen za'I gyi myed ma bshos dang nams kyi sras na / / mying dral gyI mtshan
P1136,0031 sma bu zing ba'i zIng skyes dang sring mo lcam smos pa / lcam lho rgyal gyI byang mo tsun / / 'o na re shig re shig na / rtsang ho'I hos bdag tang smra bon gyi zing ba
P1136,0032 zing sgyes *skyes gnyis la dkor dang dagsu *dags *su chi mnga' na' / ra bdun cha bdun zhig mnga' / 'o na khye'u ra rdzi cha rji po zhig / ra lnga 'tso zhing spang ka nyug
P1136,0033 slag *sla *ga gyon zhing drib du 'khor te / ra 'tsho cha 'tsho zhing lung 'gi ya pur mchis na / 'o na re shig re shig na / / lung 'gI ya phu brag dmar rum nas
P1136,0034 srin rta khra mo gchig byung / yul lung 'gi ma mda' nas / cu rta sngon po gchig byung ste / rta gnyis 'tshos kyi bu rmang gnyis 'thams kyi bu lo'i dus / su
P1136,0035 sla'I man du rte'u bal bu mchog rum gchig byung ste rte'u ma phyi 'brang rmang bu yum phyi dgyu zhing mchis na / / sang phod lo'i dus sla'i man du / yang
P1136,0036 rte'u bal bu mchog rum gchig byung rta bzhi rmang bzhI zhig / nyin zhing --- ri dkar gyi rtswa la za zhing sribs ri gnag gI cu la 'thung zhing mchis na' /
P1136,0037 ?'o na' re shig re shig na' / khye'u ra rdzi cha rdzi pos jo bo rtsang ho de'I hos ?bdag dang smra bon gyi zing ba zIng skyes kyi snyan du gsol de nan skor gong ma
P1136,0038 las 'byung ba bzhin bgyi / / jo bo rtsang ho de'i hos bdag dang smra bon gyi zing ba'I zing skyes kyi zhal nas / 'o na khye'u chi bden chi brdzun zhes rta ?gzigs
P1136,0039 su gshegs gshegs na' / / khye'u ra rdzi cha rdzi chi mchi chi mad de / rtsang 'i hos bdag dang rma bu zing ba'i zing skyes zhig slaru *slar *ru byon te / ra bdun cha /
P1136,0040 bdun bal te / rta'i kog tshe rmang 'gi kog tshe ra snyi thing ka lag bzhi zhig bgyis ste / rta gling khyad khyud ljad ljod du btsugste *btsugs *te / pu nas khus btab
P1136,0041 mda' nas g-yab bor na / rta dkyus ste mchis rmang dkyuste *dkyus *te mchis nas / ra snyi thing ka lag la / cu rta sngon po zun nas rgal pa thabs gchig rgal
P1136,0042 ?na ra snyi ?thing ka lag chad de lung 'gi ma mda' na mtsho so rum du bros kyis ma mchIs / srin rta khra mo zun te rgal pa thabs gchig rgal na ra snyi
P1136,0043 thing ka lag chad de lung 'gi ya pur brag dmar rum du bros ste mchis / / 'o na rte'u bal bu gnyis shig zun te / rgal pa thabs gchig thabs gnyis
P1136,0044 thabs gsum rgal kyang ra snyi thing ka lag ma chad de / / rte'u ma shorte *shor *te / de ru zun na / rtsang ho de'I hos bdag dang smra bon gyi zing ba gnyis
P1136,0045 kyis bse 'i cho rol du ni bcug mthing 'gi *gi damu rtod kyis brtod nas / / mying dang mtshan btags pa' / pho ni bkra la byar btags nu bo ni gnag
P1136,0046 dom byar btagste *btags *te dkor dang dagsu *dags *su bgyiso *bgyis *so / / 'o na lcam lho rgyal byang mo tsun zhig / / yul chab kyi ya bgor / rje gu ge rkang phran dang gnyen
P1136,0047 dang gdumdu *gdum *du bgyiste *bgyis *te / rje gu ge rkang phran gyi gnye bo myi brgya rkya brgya zhig yas se byung na / / lcam lho rgyal byang mo tsun gyi mchid nas / / yul kha la
P1136,0048 ra nga stod ni bkrod ching shul ring la / / zhang zhung gu ge rkang phran ni 'dris shing sdang / nya gro ni bcha *bcha' zhing kha 'is gsung nas / rtsidga *rtsi *dag gnag gis
P1136,0049 'gegs ste de ru nongs na' / / 'o na yab rtsang ho de hos bdag dang mying smra bon zing skyes kyis nang gi dro la bzhengsu *bzhengs *su gsol na yang
P1136,0050 bzhengsu *bzhengs *su ma gnang nub kyi 'on la bzhengsu *bzhengs *su gsol ?na bzhengsu *bzhengs *su ma gnang / / ste lcam lho rgyal byang mo tsun ni zhal ni mun re phab / rtsi dag nag po ni mgul
P1136,0051 na nar zhing mchiso *mchis *so / / pha yab rtsang ho de'i hos bdag dang dral smra bon zing skyes kyis / / pha gshen rabs kyi myi bo'i snyan du gsol te / myi ngan
P1136,0052 bu 'i bu mo lcam lho rgyal gyi byang mo tshun ni / rtsi dag gnaggIs *gnag *gis 'gegste *'gegs *te gum na / da rtsi dag gnag chig dgrol 'tshal zhes bgyis na / pha gshen
P1136,0053 rabs kyi myi bo'i zhal nas / rtsi dag gnag po ni dgrol myi 'tshal / bya gshen 'jon mos dgrol 'tshal zhes gsung na 'o na bya gshen 'jon mo zhig
P1136,0054 bya bon bang pa bang reg chig gnyer du btang na yang bya gshen 'jon mo ma khugs nas / / skyin po ru thog rje zhig bya gshen 'jon mo
P1136,0055 gnyer du btang na / bya gshen 'jon mo zhi *zhig khugste *khugs *te mchis nas bya gshen 'jon mo 'is 'geg lug nag po dang 'geg ra rgya bo zhig rgyusu *rgyus *su brgyus
P1136,0056 nas / nub gsuM bon gshen bon du bsgyerd na sang 'gi nam nangs na 'geg lug nag po dang 'geg ra rgya bo la bdud dgu ni bdud du bor zhing
P1136,0057 mchis / / lcam lho rgyal byang mo tsun gi mgul nas / / rtsi dag gnag chig grol ching mchiste *mchis *te zhal mdangs dkar ni sla re 'od de zhal dang
P1136,0058 bzhad pa lta zhing bzhugs nas / / yab rtsang ho de'i hos bdag gis shid du ni gtang 'tshal 'brang du ni gzugs 'tshal zhes gsung nas
P1136,0059 rgyal thag brgyad bas la bchas se gru bzhi lung du brtsiste *brtsis *te / yab kyis do ma ra ni bkra la bya drangso *drangs *so / / mying dral pos ni / sring gi ba ru gnag
P1136,0060 dom bya drangste *drangs *te phan te bsod gna' phan da yang phan gna' bsod da yang bsod / /