Old Tibetan Documents Online (OTDO)
P.T.1042
last modified 2001-12-28
P1042,0001 --- gsol ---
P1042,0002 --- gshen gyis ---
P1042,0003 --- gshin phyag 'tshal ---
P1042,0004 --- dang zug / / skyan de'i 'og du zha ---
P1042,0005 --- rnams phyag 'tshal nas / sa ?sar dngar / de nas /
P1042,0006 --- bsham ngud kyis gdab / / rgyal gyis phyag bgyis /
P1042,0007 --- pa la / / zhang lon zhal ta pa' / / zi mo pa' /
P1042,0008 --- dang phyag tsang / / de'i 'og du sug las /
P1042,0009 --- mtshon pa dang / 'or gyer pa rnams kyis phyag /
P1042,0010 --- nas gsar g-yu bse dung / spug mtshal / glas rnams dang sman /
P1042,0011 --- / / skyems kyi nang du yang stsal nas / / sobs tang sman gyi rabs bgyis te /
P1042,0012 ｿyams gcig gsol / / de nas phru stsang gsol te yams gcig / de nas rgyal la lhos drangste *drangs *te /
P1042,0013 ljags byang gsol / / de nas rgyal gyis / mnga' thang dang / dbang tang bcad / / de nas zhang gis /
P1042,0014 rgyal la dbon lob tang snam rta 'dren bar phrin gyis gsol / / de nas zhang dbon mjalte *mjal *te /
P1042,0015 de nas thugs gur dang / dbon lob tang / / rta do ma g-yag do ma / snam rta dang g-yag 'phral spred /
P1042,0016 mjal nas / zhang gis 'ban skyem la / zhug shang gser skyems kyis / / yams gcig phyag bgyis /
P1042,0017 nas zhal ta pa rim pa bzhin zhang la phyag bgyi'o / / de nas nam rta nI do ma'i 'og du dngar ro / de'i 'og /
P1042,0018 du gnyen 'o byams kyI sris / de'i 'og du rgyal than chags kyi dkor / dngar ro / / dngar tshugs nas /
P1042,0019 stsang po drangs te / sku gshen gyIs yogs bda' / 'brum bzhi gsol / sgo btsas stsal / sku gshen gcig gis /
P1042,0020 stsang po gsol te / yams gcIg / sku gshen gnyis kyis dkar mo mjol te yams gcig / mjol
P1042,0021 bon po phal gyis / chags blangs te chen tags la mchi / / chen tags mjol nas snang ma dang /
P1042,0022 spos lam gsol te yams gcig / / de nas bshum ngud kyIs kyang gdabo *gdab *bo / / de nas nang gi gdan /
P1042,0023 la gshegs te / / cho ga dang rim pa nar ma dang 'dra bar mdzado *mdzad *do / / stsang nan yams gsum gsol /
P1042,0024 pa'i / dbu ma la / / pha ba ma ma dang / chibs ye ru 'phang dang / do ma chen po pham phabs stsald to / chibs /
P1042,0025 slad logs na mchis pa'i rnams / / bzang yugs bgyis te spos lam gsol / / stsang nan /
P1042,0026 tha ma la zhes pham babs stsald / / de'i 'og du gro skyems yams gcig / / rgun skyems /
P1042,0027 yams gcig / / --- skyems yams gcig / 'di gsol nas / stsang sder gyu / gsang gis /
P1042,0028 gdab / de nas thugs spur mjal te / / mjal pa'I cho ga dang rim pa la / / thugs kyi g-yas /
P1042,0029 g-yos su phyag cha drangs / / thugs kyi sna la dur bon po dang / phangs bon po chen pos drangs /
P1042,0030 de'i 'og du / zo rig / de'i 'og du nam ka' / de'i 'og du smra zhal / / de'i 'og du zhal dang sku rten /
P1042,0031 g-yas g-yos su mnabs sgye / / de nas thugs gur / de'i 'og du dbon lob / de'i 'og du /
P1042,0032 zi mo / / gur gnyis kyi g-yas gsos *g-yos su / / zha 'bring nang pa dang / zhang lon zhal ta pa' / zhal gyi /
P1042,0033 sdun g-yas g-yos kyi zur la / / go ngan dang / zug skyan tshar gnyis / / dbon lob kyi phyi zur /
P1042,0034 g-yas g-yos su / sku gshen gnyis kyis sna drangs nas / / pha rol tshu rol gyi thog ma /
P1042,0035 ye ru phang re re / de'i 'og du / do ma che chung / de'i 'og du rnam rta che chung / de'i 'og du phang sga pa /
P1042,0036 phal / de'i 'og du gnyen 'o byams kyi sris / / de'i 'og du rgyal than chags kyi dkor de'i /
P1042,0037 'og du rol bzangs rta rgyan can / / de'i 'og du / dog gshen re res drangs te / mdzo bang sgyal /
P1042,0038 dang lcam mjo *mdzo / / tshar gnyis kyi / mjug gi dbusu *dbus *su / / sku gshen gnyis kyis drangs te / dkar mo / de'i /
P1042,0039 'og du / 'dral chen gnyis kyis drangs te / do ma dang g-yag rol dang / snam g-yag la stsogs te /
P1042,0040 chen tags rnams mchi / / phangs bon po chu ngus / ring dang ring gur dang / zhal gyi spyan drangs te / /
P1042,0041 se'i sgor gshegs nas / / thugs rkyen gyi rnams / zhugs chad tang / 'or gyer gyis bcad /
P1042,0042 nas / / thugs spur mjal te / / ring gI zhal dang / thugs kyi zhal / / ring gi gur dang / thugs kyI gur /
P1042,0043 lan gsum gtugs nas / / mjal skyems yams gcig gsol / / nas ring rkyen ni der gzhes /
P1042,0044 thugs rkyen gyis g-yon 'khor du drangste *drangs *te / / khor mo gsum gyi che phyag tab yams re gsol / /
P1042,0045 rta grab kyi rnams kyang / g-yas g-yos nas drangs te lan gsum bskor ro / / lan gsum bskor nas /
P1042,0046 g-yar gong nas / mdung lan gsum btud de / / gshin phyag bgyi / / zhal ta pa dang / zi mo rnams kyang /
P1042,0047 bshums ngud kyis gdab / / bshums ngud kyis btab lags nas / / sku gshem mjol bon po rnams /
P1042,0048 kyis / / do ma la stsogs te rkang 'gros kyI rnams gshog yugs kyis gdab / / de nas ring ser gshegs /
P1042,0049 pa'i rim pa' la / / sku gshen rigs gshen dang / phangs bon po gnyis te gsum gyis sna drang / de'i 'og /
P1042,0050 du nam ka' / / de'i 'og du nang gi zo rig / de'i 'og du smra zhal / de'i 'og du g-yas g-yos kyi mnabs /
P1042,0051 sgye / de'i 'og du zhal dang sku rten / / de'i 'og du thugs gur / de'i 'og du ring gur de'i 'og du /
P1042,0052 dbon lob / / ser gshegs nas zhal ta pa rims kyis phyag bgyis nas / / nyam pag ma 'chugs /
P1042,0053 par gsol / / rgyal gyis kyang / mnga' thang bcad mnga' thang du 'dus so 'tshal / / bzang /
P1042,0054 ngan rim par plags te / / 'o dod bod / / sku gshen kha gtsang gnyis la / gcig gis / / chibs /
P1042,0055 las gcig bcad de / g-yang rtar bgrang / / dkar mo dang / g-yag las gcig bcad de / don por /
P1042,0056 bgrang / / sku gshen gcig gi dkor las sna gcig bcade *bcad *de / / phugs nor du bgrang / de nas sku gshen /
P1042,0057 sku gshen na bza las re re stsald to / / de nas nub kyi gdan la gshegs kyang / / cho ga nar mar /
P1042,0058 gsol / / de nas nam tshab tshub na / / snyun bon po / smag bon po / 'jol bon po rnams kyang / sa sar /
P1042,0059 gyer la mchi / / cho ga nar ma la tho ram dang po dung bus pa dang / / sku gshen phangs bon po dang / rlad bon /
P1042,0060 po dang / ring mkhan dang / bzhes pa'I phyag tsang gnyis / 'di rnams mkhan sprus bsangs te / / skam phyag /
P1042,0061 du 'tshal nas / / ri *ring mkhan gyis / thugs gur ring gur dbon lob / bshus nas / drul phyag gis gdab / / sku /
P1042,0062 gshen phangs bon pos bzhengs gsol / snang ma gsol / / zhal gyi rnams kyang tshur bsgyar te / sobs kyI /
P1042,0063 cha rkyen dang / / sman gyi rnams / bud gyang bud / skyems gyi nang du yang stsalte *stsal *te / / yams gcig stsold /
P1042,0064 mtha' skya ste / dung dbu ma bus na / zhang lon zhal ta pa dang / zI mo rnams / gshin phyag du 'tshal / de'i /
P1042,0065 'og du sug las myi phal phyag 'tshal / / de'i rjes la dgung ka phan phun na / / dung tha ma bus na' /
P1042,0066 phyag cha ya yo srong zhes bod / phya cha yo bsrang / dgung sangs na / / zha 'bring pa dang / phyag 'tshal ba' phyi nang /
P1042,0067 rim pa bzhin du gshin phyag du 'tshalo *'tshal *lo / / de nas phru stsang gsol te / yams gcig / / dkar mo mjol te /
P1042,0068 yams gcIg / / spu mtshal gsol te yams gcig / / gdan cung gsol te yams gcig / / gro /
P1042,0069 skyems gsol te yams gcig / / de nas dro'i nar ma la gshegs te / phyag shol drang / 'og re bting /
P1042,0070 gdugs tshod drang / / yogs bda' / 'brum bzhi gsol / sgo btsas stsald / / thugs nyen phyag tsang bro ga /
P1042,0071 spyal / stsang nan dang po mngan chos su gsol / / stsang nan dbu ma la / pha ba ma ma dang ye ru 'phang /
P1042,0072 pham phabs stsald / / stsang na ?tha ma la zhes pham phabs stsald / / dgun skyems yams gcig /
P1042,0073 sbrang skyems yams gcig / 'bras skyems yams gcig / / khre yu yams gcig / / 'dI rnams /
P1042,0074 gsol nas / / phru stsang sder gyu nas / gsang gis gdab bo / / de nas gung skyems tang / / nyam pag ma /
P1042,0075 'chugs par bgyis te / / skam phyag du 'tshal te gsolo *gsol *lo / / de nas nub kyi gdan la gshegs kyang / dro'i /
P1042,0076 cho ga dang 'dra bar gsolo *gsol *lo / / stsang sder gyu nas / gsang gis gdabo *gdab *bo / de nas gro skyems gcig 'bras /
P1042,0077 skyems / yams gnyis / skam phyag du 'tshalo *'tshal *lo / / de nas sman bon pos sman drangs lags nas / phangs /
P1042,0078 bon pos ma pang gsol / phru stsang gsol / skyems yams gsum gsol / / de nas zhal ta pa'i rnams /
P1042,0079 kyis gson phyag du bgyis te / / so sor mchI / / de na sku gshen gyis brnal kab gsolo *gsol *lo / / ma pang gsol ba /
P1042,0080 ni dgung sla ngo re lan re ma 'chugs par 'tshalo *'tshal *lo / / gtor ma chen po bgyis pa'i 'og du / /
P1042,0081 man tog sha dus khu grags / / nya tog tshes tog / gsollo *gsol *lo / / mdad cen po ni thog ma grongs ngog du /
P1042,0082 gyur nas / / lo gsum gyi du *dus su bgyi 'tshal te / / mdzad pa'i tshe / zla ba dang skar mar sbyar te / / zla ba yar gyI myi ngo /
P1042,0083 mar gyi myi ngo / gar mdzad kyang rung ste / / dgun sla 'bring po la / gor 'khyags shing 'khyags te / mdad shid /
P1042,0084 btang yang phan myi thogs so / / dbyar sla 'bring po la / gor sngo shing sngo'i dbal te sman myi thogso *thogs *so / / ston sla /
P1042,0085 tha chungs tshes nyi shu gsum phan chad tang / / dgun sla ra ba tshes gsum tshun chad / zhag bcu la mdad /
P1042,0086 shid btang na / / nam gyi mtha' la bab ste / mdad btang na / 'da's pa la yang myi sman / / slad ma la yang dngo sdig /
P1042,0087 du mchI'o / / gshin la gtad du myi rung ba'i spu la / / rta nag po lhing nag / rta khra bo / g-yag rog po kham pa /
P1042,0088 mdzo kham pa dang stag re ru yur / / g-yag dkar po thal kar / / 'di rnams g-yen dgu lstsogs *las *stsogs te / /
P1042,0089 mnga' dbang so so na mchis pas / / gtad kyang mchir myi btub ste / myi sman no / / dur du stsald du myi rung ba' /
P1042,0090 la gcan zan gcan du gyur te myi rung / / ring sgrom 'khor du khar ba chu'i rigs te myi gzhag / / rkang /
P1042,0091 'gros kyi rnams kyang / snga slad khram btab ste / / myi 'chugs par bgyi / / bshan lug brtsI ba ni / se gru bzhi la /
P1042,0092 lug bzhi / / rgyal thag brgyad la lug bzhi / / 'di rnams nI grangs la ma gtogso *gtogs *so / / skyibs tang / mtshal /
P1042,0093 ma ni grangs la gtogso *gtogs *so / / spyi grongs ngog du gyur pa la / thog ma'i 'on kung / tha ma'i gtang khung lstsogs / *las *stsogs /
P1042,0094 te sa lan gsum las thur du rkor myi rung ngo / / rta g-yag man chad che chung / ma 'chugs par gsol /
P1042,0095 gtor ma phra mo la thugs / dbab myi 'tshal te / gshegs rabs tsam bgyi / / rkang 'gros mjol du rung ngo / /
P1042,0096 thugs dbab pa dang / snyun shan gdab pa yang / / lhu bcu gnyis mgo dang bcu gsum ste / 'di las mangs /
P1042,0097 na yang drags / / nyungs na yang chad de myi rung ngo / / mdad chen po'i tshe yang / / cho ga gzhan ni gtor ma /
P1042,0098 chen po dang 'dra'o / / thugs glud lu gu dkar po gcig /
P1042,0099 gla sgang bcu gsum / mda' rgyud che thang lstsogs *las *stsogs te / / yul lha yul bdag tang / yab myes yum phyi /
P1042,0100 dang yogs che thang ste / / btol ched po bas shas res bskyed / / lhos che thang ste / rta shu bo zhur po rting kar /
P1042,0101 dang / ba skya mo gcig gis bskyed / / mdad shid rgyal gyIs mnga' thang bcad de / / gtad tu gnang ba'i rnams /
P1042,0102 bdud gcado *gcad *do / / gtang du stsold pa ni / na bza skyem kor mtshon cha sna tshogs / byes cha sta spyad / zhugs cha /
P1042,0103 thugs rag pos phul ba' / dmyig mangs / rol mo cha / 'phral du ma mchis su myi rung ba'i dkor /
P1042,0104 cha sna tshogs / phyag tsang skyem mal pa'I cha rkyen / dang / bshos kyi phyag tsang gi cha rkyen / zhal zas tang skyems /
P1042,0105 las stsogs te / yo byad du 'tshal ba'i cha rkyen / ril gtang du mchi 'o / / rgyal gyis thang bcad de khram /
P1042,0106 gnyis bgyis te / / gcig ni zha 'bring rje bo thang chen po la gtad / / khram gcig ni skyibs lug la /
P1042,0107 gtad / / skyibs lug gI spu ni / gro gar dpung mar ru byar gyis bgyi / / rgyan nI ?rba *rwa g-yas pa /
P1042,0108 gser gyi khrin bas bskri / / ?rba *rwa g-yon pa dngul gyi khrin bas bskri / / sgyin ma g-yu la bgyi rmig pa /
P1042,0109 lcags la bgyis te brgyan no / / g-yag gi cho ga ni btol chen po dang 'dra bar mdzado *mdzad *do / / slad dro rgyal gyIs /
P1042,0110 mnga' thang bcad nas / / rgyal la yang gtang phud dbul / / sku gshen phangs bon po rnams kyis kyang / gtang du stsold /
P1042,0111 pa'i rnams / spad de bdud bcad nas / sku gshen gshog thabs stsalto *stsald *to / / dgongs kyI gdan la gshegs ni nar /
P1042,0112 ma dang 'dra bar gsol / / gdugs zar zer na sku gshen rnams kyang gsas bzu ste / / phangs bon po yang / dbon /
P1042,0113 lob tang / mnabs sgye dang / gur dang / mtshar lcam skyo ma nyam pag rnams gsol zhing mchI / / mjol bon po phal /
P1042,0114 rnams kyang / chibs tang / mdzo bang sgal dang / lcam mdzo dang / zhes lstsogs *las *stsogs pa la gyer du mchi / / bon po /
P1042,0115 bsogs tang / / 'or gyer la stsogs te / / pra phud 'dren ba'i / rnams kyang g-yen gcags tang / 'gab sri la /
P1042,0116 gyer / / dung dang po bus te tho ras slong na / skyibs tang / se chong yang gtad lags / chibs kyang phyag mda' /
P1042,0117 bkum nas / kho re mo bgyis lags / 'or gyer gyis kyang / gtar lcags lags par bgyis la / / se gru /
P1042,0118 bzhi'i nub phyogs kyi 'brum phye la / se'i gong du dbyam phying khra bo bting la / / skyibs lug 'dir drangs / zhal /
P1042,0119 dang chibs drangs te shul bstan nas / / thog ma zhal gyi drangs / de'i 'og du ye ru 'phang / de'i 'og du do ma dang /
P1042,0120 snam rtas brtan / chen tags kyi rnams / kyi sna la / bang sgal / lcam mdzo / mtha' ma g-yag do mas /
P1042,0121 brtan to / / de nas dgung ka phan phun na / lug kyang la bzal / rta yang yi gcad / / nas slar se sar dngaro / *dngar *ro /
P1042,0122 de nas gdugs shar bgab na gdan cung gsol / / lags par bgyis / / bgyis nas sor gshegste *gshegs *te /
P1042,0123 gshegs kyi rim pa la / thog mal yag pa bzhi / de'i 'og du phyag cha mdung pa / de'i 'og du phyag cha dgra sta /
P1042,0124 pa / de'i 'og du gshen / de'i 'og du zo rig / de'i 'og du nam ka / de'i 'o *'og du smra zhal / de'i 'og du /
P1042,0125 zhal dang sku rten / mnabs sgye nI thugs kyi sngon zur g-yas g-yos / zhal gyi 'og du thugs gur /
P1042,0126 de'i 'og du ring gur / / de'i 'og du dbon lob / de'i 'og du zha 'bring nang pa' / de'i 'og du zI mo /
P1042,0127 de'i 'og du rkya rol / / thugs kyi g-yas dngar te mchi ba' / / tshar g-yas g-yos 'dra ste /
P1042,0128 ye rur 'phang / phang sga che chung / de'i 'og du do ma che chung / de'i 'og du snam rta che chung / phang sga /
P1042,0129 pa rnams / de'i 'og du gnyen 'o byam kyi sris / de'i 'og du rgyal than chags kyi dkor / de'i /
P1042,0130 'og du / rta rgyan can / de'i 'og du rol bzangs phal / / 'I'di *'i *'di rnams kyi sna la sku gshen re res / drango / *drang *ngo /
P1042,0131 tshar g-yas g-yos sku gshen re res te / / mdzo bang sgal / lcam mdzo / de'i 'og du / sku gshen re res /
P1042,0132 sna drangs te zhes mchi / / sku gshen gcig gis / dkar mo'i sna drangste *drangs *ste / rkya rol gyi mjug la mchi /
P1042,0133 sku gshen gcig gis / chen tags kyi sna drangs te dkar mo'i mjug la mchi / / chibs kyi g-yas /
P1042,0134 g-yos su rta grab pa mchI'o / / de nas gtang kar gshegs nas / / thugs gur rgyal sgo'i gong /
P1042,0135 gangs bur gsheg ste *gshegs *te / dgung bcu gcig bcu gsum / bcu bdu bdun / bcu dgu / skar ma gar bzang /
P1042,0136 ba dang sbyar te / / thugs bu cung phab nas / thugs gur gyI steng nas / phub tsam gcig bcade *bcad *de / / bang so'i /
P1042,0137 thugs kang du gzhago *bzhag *go / / gzha' ring thung gI phangs cha / bang so'i steng du drangs nas / phud /
P1042,0138 brams te / mnabs skyer stsal / shas tang skyibs tang / mtshal mar gyi breng yang gtang tu stsalto *scald *to / gtang /
P1042,0139 du gshegs nas / / sku gshen gsum gyIs / / gtang byad dkol lo / / de nas chibs spos pa'i rnams /
P1042,0140 mgyogs g-yu sgas stode *stod *de / / dur dkyus bsgralto *bsgrald *to / / zhang lon zhig mdo smad na nyam nongs lags /
P1042,0141 par btang na' / / phangs cha rI gang du gshegs kar gsol / ri gang du gshegs nas / sku gshen kha /
P1042,0142 gtsang gcig gis / / phru stsang dang dkar mo dang / chen tags gyi rnams / zhal bu'i gtang rag du /
P1042,0143 bsgyur te gsol / / mo btsun zhig grongs ngog du gyur na / / cho ｿga gzhan ni 'dra' / / sku rten gyI /
P1042,0144 mda' / mong ringsu *rings *su bsgyur / thugs kyi lu gu mo dang bya mor bsgyur / g-yag 'brir sgyur /
P1042,0145 myi pho rnal dang dkar mo 'dra ste / sbyor bas gar bde bar bso / / se nas bang sor gsheg kar rte'u /
P1042,0146 g-yag kyang dpral sprado *sprad *do / : / sngom dge dpal gyis bris / /
P1042,0147 # / : / mchen dmar gtang ba 'i rabs la / /
P1042,0148 yur shang po phre'u lung gi nang na / myi dpung meng shi 'gi dgedpal *dge *dpal lags / /