Old Tibetan Documents Online (OTDO)
P.T.1040
last modified 2001-12-28
P1040,0001 # / : / bon 'di gsang ba'i bon gis sul
P1040,0002 yang bslag pa lo tus gi bro la gthogso *gthogs *so /
P1040,0003 # / : / rgyal byin gi rabs / pha yab gi mtshan na rgyal de
P1040,0004 'I ched po ma sngom te'i ngas mo bu tha nga pung mo tang
P1040,0005 pung sham bra ma zhal bzang sla re 'od dbu bzang /
P1040,0006 ljang lo 'khril / su'i khab du bzhud na damu yul /
P1040,0007 steng brang na pha gthangs gyi damu dang rje ma ba nga nu mo /
P1040,0008 tang bu thang 'bring 'ol la cung gi khab dang dbyal du
P1040,0009 blangste *blangs *te / rdzangs dang thubsu *thubs *su gser gi sga mo g-yu bse
P1040,0010 dung gi sga mo snyan ca khes lum mgur cu bya bal
P1040,0011 sku thur g-yag thur sbyang ngam sgon cig dang damu
P1040,0012 dang ding gser gi bya ma ngon dngul gi bye ma ron /
P1040,0013 gser gi steng brang dngul gi steng brang zhig bon /
P1040,0014 de myi bshosu *bshos *su bshos / shing bzhugs na / / ma btub ma /
P1040,0015 bcad de / / che tsam che tsam na mtho mkhar gi rtse la
P1040,0016 sgyes pho pying cen du rdzus te 'bod thong thong / nub
P1040,0017 gyi 'on la dma' mkhar gi lhun na myi btsun btsun
P1040,0018 mor rdzus te / / dud lhong lhong / nang gi thon la bya gag
P1040,0019 se bor rdzus te zer dang dang nub gi 'on la g-yang
P1040,0020 pyug khar bar rdzus te rgal thod thod nub gi 'on
P1040,0021 la khyi dom dmar du rdzus de zugs dang khal khal
P1040,0022 nyi ma pye gsum gi sgang la rta thod rmang thod /
P1040,0023 btsag smar gi thig le cen du rdzus te rgyal
P1040,0024 no ne rdzu cho ne 'phrul / damu thang 'bring 'o la cung
P1040,0025 ni grongs gyis myed na / / da re shig na damu thang 'bring
P1040,0026 gi mdad shid ni cher bgyis / cha gar ni mthor /
P1040,0027 brtsigs / rta'u gnag ni mang du bkum / gthangs /
P1040,0028 gyi damu dang rje'i zhal nas / tha nga pung mo tang las
P1040,0029 byin nga rgyang sdig myed gis / pha rgyal de ched po'i
P1040,0030 gam du bzhud cig / ma sngom te *te'i ngas mo'i gam du bzhud
P1040,0031 cig / / myi snying chags gi snying chags gi snying lan
P1040,0032 dang lha dang dang chags dang lan / g-yu'i sga mo dang
P1040,0033 gser gi sga mo dang da ci 'i rdzangs snga ma dang kun
P1040,0034 bon de btang nas / / pha rgyal de'i gam du byon nas /
P1040,0035 # / : / gnam gi pha mtha dgung gi pha 'brum las /
P1040,0036 pyug myi bzhugsna *bzhugs *na / khab dang gdar myi mang na gseng
P1040,0037 lde ri lde mang las khab dang gdar du btang te gshegso *gshegs *so /
P1040,0038 rdzangs dang thubsu *thubs *su gtshos gi bra nga dang chas te byon nas /
P1040,0039 myi bshosu *bshos *su bshos mching rnamsu *rnams *su rnamso *rnams *so / / gseng lde ri
P1040,0040 'i zhal nas / nga 'i yul byang 'bro brgyad gong du sha shor
P1040,0041 dgo 'drim du gshegs gis / dbyar sla gsum la tha nga
P1040,0042 pung mo tang lag pa thab / ngogsu *ngogs *su ma ma bsnyal cig
P1040,0043 zangs mo kha thab du ma spub cig / ces bgyis de
P1040,0044 gshegso *gshegs *so / / zhag bsdad na slar ma byon lo bsdad na
P1040,0045 snying du ma byon nas / thang nga pung mo tang gi zhal nas / /
P1040,0046 ma la lag pa thabs ngogsu *ngogs *su bsnyal na ji 'dra zhes lag pa /
P1040,0047 thabsu *thabs *su bsnyal zangs mo kha thab du spubo *spub *bo / gseng lde ri
P1040,0048 ni glad pa g-yasu *g-yas *su zu gas te nongs gyis myed na / thang /
P1040,0049 pung mo tang brag dkar gi steng du byon de du myi du na
P1040,0050 mchi ma khrag du ngu zhing mchis na / da ri shig na spra
P1040,0051 zhal thang ba zhig rgyab ni brag la bsten pyag ni zhab/sla *zhabs *la
P1040,0052 tshom zhIng bzhugs nas / tha nga ｿpung mo tang gis zhal gi bshum
P1040,0053 sa mo la pyagi *pyag *gi mthing cung gis gjar de bor na spra zhal
P1040,0054 thang ba'i zhal la phog te / 'byor ra rmu tsugi *tsug *gi zhal nas /
P1040,0055 'di gnam sngo na ga la ji char zhig 'bab cig ces
P1040,0056 bgyis de 'byor ra rmu tsug damu bragi *brag *gi khar byon de blt/sna *bltas *na
P1040,0057 za myed ma de las bzang myede *myed *de pa zhal bzang ni sla re /
P1040,0058 'od pa zhig de na mchis na / / 'byor ra rmu tsug
P1040,0059 gI zhal nas khyod su bu su tsha zhes dris na myi ngan bu'i
P1040,0060 pha ni rgyal de ched po ma ni sngom te'i ngas mo bu tha nga /
P1040,0061 pung mo tang zhes bgyi ba lags te / / myi ngan bu'i jo /
P1040,0062 bo gseng lde ri ni byang 'brog du sha shor du bzhud na /
P1040,0063 da zhag bsdad na slar ma byon de ngu myi du na mchi ma
P1040,0064 khrag du ngu zhing mchis / / shes bgyis nas / pha'i khol
P1040,0065 po rigs gi rta po grongs gi spur 'tshal de mchis /
P1040,0066 gis / myi'u bu cag gnyis / khyim gchig du 'du'o /
P1040,0067 khyod gi jo bo nongs gis myed na da zhag drug na pha'i
P1040,0068 khol po rigs gi rta po grongs gi spur 'tshal /
P1040,0069 te mchis gis / / khyod 'u bu cag gnyis / khyim gchig
P1040,0070 du 'du'o / ji gdas pung ra cig du spungo *spung *ngo / zhes bgyis na /
P1040,0071 myi ngan bu'i jo bo gseng lde ri lde rmang gi grongs
P1040,0072 gi spur pha'i khol po rigs rta pos 'tshal de /
P1040,0073 mchis na 'u bu cag gnyis 'tsho dang namso *nams *so zhes bgyis
P1040,0074 de / / tha nga pung mo tang slar du mchis na spra zhal thang
P1040,0075 ba 'byor ra rmu tsug gis pha'i khol po rogs gi /
P1040,0076 rta pos grongma *grongs gi spur 'tshal de mchis nas / / tha nga
P1040,0077 pung mo tang gi mdad shid ni cher bgyis cha gar ni /
P1040,0078 rIng du brtsigs nas / / bzang se lam sar na pub /
P1040,0079 bse sran ma myig dang 'brog ce sgyil 'dom gi
P1040,0080 rba hwa se lam sar to / / tha nga pung mo tang ni spra /
P1040,0081 zhal thang ba'i khab dang gdar du bzhudo *bzhud *do / / rdzangs /
P1040,0082 dang thubsu *thubs *su pub bse sran ma myig dang 'brog ce /
P1040,0083 sgyil ldom gi rngu dang gtshos gi bra nga dang bmangso *bmangs *so / /
P1040,0084 da re shig na spra zhal thang ba'i yab nongs te shid
P1040,0085 dang rmang btsugs te bzang se ?lam ?sar mgyogs
P1040,0086 gang dgyusu *dgyus *su brgyugs na / tha nga pung mo tang gi mchid
P1040,0087 nas / myi bzang po pa byi su'i myi zhes bgyis na' /
P1040,0088 spra zhal thang ba'i myi zhes mchi g-yag bzang po
P1040,0089 dang rta bzang po pha byi su'i zhes bgyis na spra
P1040,0090 zhal thang ba'i rta dang g-yag ces mchi'o / /
P1040,0091 thang nga pung mo tang gi mchid nas / / spra zhal thang
P1040,0092 ba'i la cang mchis ji yang mchis na gdang la /
P1040,0093 gdang la rgod pa spra lpags 'di lta dung yang /
P1040,0094 ji du dung zhes gsung ste / thab gi nang du bor nas /
P1040,0095 dud pa 'al 'ol gnam du song na yab la bdag /
P1040,0096 drug bgyon / / mdag gram grum sa du song /
P1040,0097 sa bla mgon 'bum bgyon / de / / spra zhal thang ba'i
P1040,0098 'phrul ni rgas de gum gis ma mchis / nas / / myi kho
P1040,0099 mo byed de myi sug btags myi bzang zhes mchi ste /
P1040,0100 'geg te nongs so / / spra zhal thang ba'i dkor /
P1040,0101 pub bse sran ma myig sbya ngam sgon cig dang damu /
P1040,0102 dang di du gser gi bye ma ron g-yu'i ma du zham /
P1040,0103 bre du zham / gser dang dngul gi bye ma ron gser gi
P1040,0104 steng brang dngul gi steng brang / gser gi sga mo gtshos
P1040,0105 gi bra nga snyan ca khes su ma mgun bya bal 'brong ne
P1040,0106 sgyil ldom gi rba dang / : / yul bal yul lang tang du /
P1040,0107 bal mkhar dngul phrom gi nang na bal rje la nam /
P1040,0108 gi zhal nas / na ning gzhe ning snga na' / / gseng lde
P1040,0109 dang spra zhal thang ba'i dkod dang dad du dung na di ring
P1040,0110 sang lta na myi kho bo'i ?non *nor dang dad du rung grang zhes /
P1040,0111 myi brgyas ni bsu rta brgyas ni rta brgyas ni bkur de /
P1040,0112 bal mkhar dngul phrom gi nang du bcug te jo bo'i
P1040,0113 dkor du bgyis / khol po po bal khol gdis bcu'i
P1040,0114 nor dang dad du bgyis / te bzhag na rgyal pung ba'i
P1040,0115 byin zhig / / rgyal byin no no rdzu gcho byin cho /
P1040,0116 no 'phrul nas / / che tsam che tsam nang gi tho la /
P1040,0117 mtho mkhar gi rtse la sgyes pho pying dkar cen
P1040,0118 'bod thong thong da ci snga ma bzhin bgyi'o / /
P1040,0119 nyi ma pye gsum gi sgang la rta thod rmang thod btsag
P1040,0120 smar gi theg le cen du rdzus de / rgyal pung ba'i byin /
P1040,0121 mkhar ral mo'i bcud zhing tha ba rnal chab rol ba'i
P1040,0122 gzar g-yag bam ba'i sha zhig du ma btub ma bcade *bcad *de /
P1040,0123 rje bgres te gdung chad na bal rje la nam bgres te gdung
P1040,0124 chado *chad *do / / khab lha za bal ma ni myi gzhon du drir nongs
P1040,0125 nas bal mkhar dngul phrom gi sgo rtsig gis bcade *bcad *de
P1040,0126 bzhag pa la / :: / yul glo 'i spu drung gi spu mkhar /
P1040,0127 gi drung na glo rje rmang kugi *kug *gi zhal nas na ning gzhe ning
P1040,0128 sngun bal rje la nam gi dkor dang dad du rung na
P1040,0129 di ring sang lta na myi kho bo'i nor dang dad du rung
P1040,0130 grang zhes gsung te myi brgyas bkun rta brgyas bsu
P1040,0131 nas glo drung gi khu drung spu mkhar gi rtse du bcug na
P1040,0132 rgyal byin no no rdzu gcho byin cho ne 'phrul de /
P1040,0133 ma btub ma bcad nas / / che tsam che tsam nsgyes *na *sgyes
P1040,0134 pho phying dkar cen du rdzus te 'bod thong thong snga ma
P1040,0135 bzhin du bsla'o / : / glo rje rmang kug gis ma bthub /
P1040,0136 ma bcade *bcad *de myi brgyas ni bkur rta brgyas ni bsgyal te /
P1040,0137 nan 'khor ro / :: / mkhar khyang lung