Old Tibetan Documents Online (OTDO)
P.T.239, P.T.733
last modified 2001-12-28
P0239,0101 ## / / / de nas gshIn lam bstan b'a / / bla na myed pa'I ye shes bsam gyIs myI khyab
P0239,0102 pa / / lha 'I spyan rnam par dag pa dang ltan ba / / sangs rgyas bcom ltan 'das thams
P0239,0103 cad dgongs su gsol / / sems can thams cad la / / bu cIg bzhin du snyoms par
P0239,0201 skyob pa'I byang cub sems pa *dpa' / / sems pa *dpa' chen po rnams gongs *dgongs su gsol / / yang dag
P0239,0202 pa'I ?shes rab dang khams gsum gI nyon mongs pa thams cad / / rtsa nas bcom ste / cha gnyIs la
P0239,0203 sa rnams *rnam par grol ba'I gong *go 'phang chen po rnyes pas / / 'phags pa sgra bcom ba rnams
P0239,0204 dgongs su gsol / / tshe 'das pa khyod nyon cIg / / tshe 'das pa khyod la 'jIg rten thams cad
P0239,0301 gyI / / chos nyId glo bur myI rtag pa'I dus la bab ste / / 'dus byas kyI lnga phung rgyu *sgyu ma zhIg ste / /
P0239,0302 'jIg rten 'dI nas / / pha rol du 'gro ba'I pho skyab *skyabs chen po 'debs pa'I dus la bab ste / /
P0239,0303 gcIg pu gnyIs su myed par / / sa tsugs myed pa'i gnas su 'gro ba'I mgon dang skyabs su nI / /
P0239,0304 sangs rgyas bcom ltan 'das dang / / byang cub sems dpa' sems pa *dpa' chen po dang / / 'phags
P0239,0401 dpa' *pa dgra bcom ba las che ba' zhan *gzhan myed pas / / de las tshe 'das pa khyod yId ma gol / /
P0239,0402 sems nI ma log par / / dus thams cad du dkon mchog gsum kyI yId la sbyos la / / dkon
P0239,0403 mchog la rjes su phyogs la / / gzhan du rngos po ci la yang yId kyI lam ma byed cIg / / sems
P0239,0404 kyI srang ma dod cig / / gzhan yang tshe 'das pa khyod nyon cig / / khams gsum gI btson ra 'dIr
P0239,0501 sgyu ma 'I lus blangs ste / / skyes so cog thams cad nI / / mthar shI ba las thar pa cIg kyang
P0239,0502 myed de / / de ltar skyes pa gcIg nas cIg du 'gro ba 'I skye shI lam nyam nga pa / / de lta bu dag
P0239,0503 yod kyIs yId la dran bar byol shIg / / 'dzam bu glIng 'dir dpag tsad brgyad khrI 'I 'og na /
P0239,0504 na rag chen po 'i gnas yod lcags gyIs gzhIng 'bar ba'I ste na / / lcags kyi khang pa 'bar
P0239,0601 ba'I nang du / rag sha mthu bo che mang pos / / 'bum grangs myed par / / btso zhIng bsrag pa dang / /
P0239,0602 gdub cIng dmyal ba las stsogs de / / stug sngal myI bzad bar / / kun du 'o dod chen po 'bod cing / /
P0239,0603 smre sngags 'don pa'I na rag 'dI lta bu dag gi gnas yod kyis / / tshe 'das pa khyod lam der myI
P0239,0604 ltung pa'I bg cher byos la / / brgya la der ltung bar dogs na / / na rag chen po de la chang kyur skyob pa / /
P0239,0701 byang cub sems dpa' 'phags pa spyan ras zIgs *gzigs kyI dbang po zhes bya ba yod kyIs / /
P0239,0702 de 'i mtshan dran bar byas la / / gsol ba bdab pa'I tshig 'dI dang / / sngags 'dI smros la
P0239,0703 skyabs su gsol cIg dang / / gnas ngan pa de las thar par 'gyur ro / / rnam par thugs rje sgo
P0239,0704 nas / / byang cub mchog brnyas pa / / / chos mchog skyon bral tshangs pa chen po 'i dbyangs gsungs
P0239,0801 bas / / mtshan thos stug sngal zhe mdzad phongs pa'I mgan gcIg p'a / / spyan ras gzIgs da
P0239,0802 bang de 'Is skyab du gsol / / / a'oM hrI hung pad ma prI ya swa h'a / / / tshe 'das pa khyod nyon cIg / /
P0239,0803 gzhan yang 'dzam bu glIng 'dI nas / / dpag tshad lnga brgya 'I 'og na / / yI dags kyI 'jIg rten zhes bya
P0239,0804 ba / / lhag par bkres grang gIs nyon mongs pa'I / / sems can lo brgya stong du mar yang / / mchIl
P0239,0901 ma dab pa gcIg tsam yang bza' ba'I skal ba myed la / / lus kyI gos dang myI ltan zhIng / / nam
P0239,0902 ka la lcags gyI ser ba drag po 'bab pas / / lo khri 'bum du cho nge sgra 'byIn ba 'dI lta bu 'I na rag
P0239,0903 kyI gnas yod kyis / / der myI 'gro par tshe 'das pa khyod bg cher byas la / / der ltung bar dogs na / /
P0239,0904 yI dags kyI lam de la chang kyur skyob par byad pa / / byang cub sems dpa' chen po nam ka mdzod
P0239,1001 ces bya ba yod kyIs / / dge ba'I bshes nyen *gnyen de dran bar byas la / / gsol ba dab pa'I tshig dang /
P0239,1002 sngags gyI snyIng po 'dI smros la skyabs su gsol cIng / / stug sngal gyI gnas de las thar par 'gyur
P0239,1003 ro / / bsod nams ye shes tshogs las / dpal gI sku 'khrungs ste / / dIng nge 'dzIn nam ka mdzod la
P0239,1004 spyod pa'I mnga' rnye pa / / bkres grang ba dang phongs pa'I yI dags sgrol mdzad pa / / mgon po nam
P0239,1101 ka mdzod kyIs skyab du gsol / / a'oM ga ga na sam ba ba dzra ho da ha sa / / / tshe 'das pa khyod nyon
P0239,1102 cIg / / rgyam *rgya mtsho chen po dang / glIng chen po bzhI dang / lcags kyI rI chen po 'I bar gyI gnas la
P0239,1103 stsogs pa de dag na / / lhag par blun zheng rmugs pas / / legs nyes gyI dud 'gro byol tsong gI
P0239,1104 gnas yod kyIs / / lam ngan pa der yang myI ltung skyeb bar bg cher gyIs shIg / / brgya la der ltung
P0239,1201 bar dogs na / / byol tsong dud 'gro 'i lam der chang kyur skyob pa'I byang cub sems pa *dpa' ngan tsong spyong
P0239,1202 ba zhes bya ba yod kyis / / de la dge ba'I bshes nyen *gnyen la rtag par dran bar gyIs la / / gsol ba bdab
P0239,1203 pa 'I sngags kyI tshIg 'dI smros la / / skyabs su gsol / / de las thar par 'gyur ro / / de bzhIn nyId
P0239,1204 dang mthar phyIn ba / / 'jIg rten kun du gsal pa'I ye shes sgron ma yIs / / dud 'gro rmongs pa'I
P0239,1301 las skye bo sgrol mdzad p'a / / mgon po ngan tsong spyong gyIs skyab du gsol de / / / na ma sa rba dur ga
P0239,1302 de / / ba rI sho danI / / ra dza ya da tha ga da ya a rI ha dI / / sam yag sam bu da ya / / dad ya tha / / a'oM sho da nI
P0239,1303 sa rba pa pa byI sho dhanI *da *nI / / shud de byI shud de / / sa rba kar rma a ba ra na byI shud de swa h'a / / / de ltar ngan tsong gsuM
P0239,1304 gI sgo nges par bkag nas / / sangs rgyas dang byang cub sems dpa' las stsogs pa / / 'phags
P0239,1401 pa thams cad gyI thugs rje chen po dang / / bka' bden ba'I byin kyi rlabs kyis / / gnyen 'dun phyI
P0239,1402 ma rnams kyIs / / dkon mchog gsum la brten de / / yang dag pa'i chu gang ma nor pa'I sod *bsod nams
P0239,1403 gyI tshogs 'dI dag la / / brten cIng bdeg nas / / bde skyId phun gsum tshogs pa'I lha yul dam par
P0239,1404 'gro ba'I lam nI / / 'dzam bu glIng 'dI nas / / byang phyogs na rI rab lhun po zhes bya ba / / rI 'i rgyal po
P0239,1501 rIn po che sna bzhI las grub pa zhIg yod de / / de 'I steng na chos bzang lha 'I 'dun sa na / /
P0239,1502 lha 'I dpang po brgya' byIn dang / / blon po gsum cu rtsa gnyIs dang / / lha dang myI dang srId pa'I ltang
P0239,1503 phye zhIng lam ston pa yod de / / der lha 'I rgyal po des / / rIgs kyi bu khyod la / / chos kyI man
P0239,1504 ngag ston cIng / / bsod nams gyI mthu stongs par gyur ro / / rIgs kyI bu de nas / / rI rab gyi
P0239,1601 byang phyogs gyI rtse na / / phob *pho brang lcang lo can zhes bya b'a / / bcom ltan 'das dpal phyag na
P0239,1602 rto rje khro bo mang po khor *'khor dang / / bcas pa bzhugs ste / / 'dod pa thams cad yId bzhIn du grub par / /
P0239,1603 rIgs gyI bu khyod la dbang bskur bar 'gyur ro / / de nas rIgs gyI bu khyod la / / phyag na rto rje byIn
P0239,1604 gyI rlabs gyIs / / song la dga' ltan lha 'I gnas na / / sangs rgyas shag kyI *kya thub pa / / chos gyI
P0239,1701 rgyal tsab / / 'pags pa byams pa zhes bya ba / / 'khor byang cub sems dpa' ba su myI dra dang / /
P0239,1702 seng 'ge bar snang la stsogs pa / / bskal bzang po 'I byang cub sems dpa' / dgu brgya dgu bcu
P0239,1703 rtsa drug la stsogs pa dang / / lha 'I bu grangs myed pa dang / / rIn po che 'I gzhal myed khang gyI nang na / /
P0239,1704 lha rdzas kyI lhab lhub dang / / rol mo sna tshogs gyI long spyod dang ltan ba / / bsam gyIs myI khyab pa las
P0239,1801 stsogs pa / / skyId pa'I rgyu rkyen phun gsum tshogs pa / / lha yul dam pa der / / bde dgu la bg
P0239,1802 yod par spyod cig / / rIgs kyI bu lha 'I long spyod / / dga' ba 'ba' shIg gIs chog par ma 'dzIn / /
P0239,1803 bdag dang sems can kun yongs su mye ngan las 'da' par byol la / / bsod nams dang ye shes gyI
P0239,1804 tshogs btsal ba la / / myI ngoms pa'I sems zhog shIg / / 'dod chags dang bral bar yang thob
P0239,1805 par gyur shIg / /
P0239,2101 # / / rIng gur bso *bsngo b'a / / gnyen yId la gcags pa'I mye ngan / / bsang ba'I phyIr / smrang dar bzos
P0239,2102 rgya khang dar khyIm las dpe blangs nas / / dmyIg bzhag du byas p'a / / shId yo lang gI rgyen / / sem shen *can re nag
P0239,2103 gyI rgyan / / / / rIng gur bzang zhugs dog gyI rgyen *rgyan dang bcas pa 'dI lta zhIg / / lha 'I yang dkon mchog gsum la
P0239,2104 brten de / / bzang rgya dar nor gyi dmyIg chud myI gsan sbyIn gdong don stsal du 'gyIs / / lha spos gtsang mas
P0239,2105 bsang / / lha sngags gnyen pos bsngags pa'I yon gyIs / / gshin myIng 'dI zhes bgyI ba / / brgya /
P0239,2201 rnam par grol ba 'phrul gI gzhal yas khang thob ste / / myIng 'dI bzhes *zhes 'byI *bgyI ba / / brgya la / dmyal bar skyes
P0239,2202 na nI / / zhe stang dmyal srungs gyI srin pos myI zung gcIng *cing / / dmyal gdub gsheg pa'I sems can thams cad
P0239,2203 'phrul gyI gzhal myed khang chen por btsug cIng / / dmyal ba'I sems can thams can *cad la / / skyabs byed nus par
P0239,2204 shog shIg / / gshIn myIng 'dI zhes bya ba / / yI dags su skyes na nI / / yI dag thams cad gyI sgras myI zung *bzung gcIng *cing / /
P0239,2205 yI dag *dags bkres skom gyi sems can thams cad la skyebs *skyabs byed nus par shog shIg / / gshin mying 'dI zhes bya ba /
P0239,2301 / yI dags su skyes na nI / / yI dag *dags thams cad gyI sgra / / / / myIng 'da *'di zhes bya ba / / dud 'gro glen rgugs *lkugs gyI
P0239,2302 gnas su skyes na nI / / dud 'gro 'i dgra thams cad kyIs myI bzung cIng / / 'gro ba thams cad gyI skyebs *skyabs byed nus
P0239,2303 par shog shIg / / gshIn mying 'dI zhes bya ba / / myIr skyes na nI / / myI 'I dgra thams cad kyIs myI zug *bzung cIng / /
P0239,2304 myI 'I 'jIg pa' thams cad las skyebs *skyabs byed nus par shog shIg / / myIng 'dI zhes bya ba / / lhar skyes na nI / /
P0239,2305 lha ma yIn gI dgra thams cad kyIs myI zung *bzung cIng / / lha 'I 'jIgs pa' thams cad las skyebs *skyabs byed nus
P0239,2401 par shog shIg / / khams gsum gyI sems can thams cad sdug sngal gyI dgra thams cad kyIs myI zug *bzung cIng / /
P0239,2402 rnam par grol ba 'I gzhal myed khang chen por phyI *phyin par shog shIg / / gnyen khor slad ma rnams kyang bkra shIs shIng rjes
P0239,2403 bzang bar gyur cIg / / dbon lob sngo b'a / / sngun gyI las mthun ba'I rgyu / / yul cIg du skyes ste / / shas bdags / snag
P0239,2404 gyIs 'brel de / / gnyen du gyur nas / / dbyar gyI ldum bu dang 'dra bar bkod bkod pa las / / tshe snga ma la srog gcod pa'I
P0239,2405 las byed pa'I lan gIs / / tshe thung ba'I sad pa bab ste / / myI rtag pa'I srIn gyis khyer nas gnyen sdug pa' rnams dang
P0239,2501 nI bral / de / gnyen yId la gcags pa'I mtshan ma / / chu gang dang khrel ltas gyIs nas *gnas mtshan ma / / nor gyi dbyIg las phyung /
P0239,2502 phyugs du kyu nas drangs ste / / chu gang khrel ltas su bsrId p'a / / nor phugs *phyugs nas bkod / / phyugs khyu nas bkod ste / /
P0239,2503 sbyIn ba gnyen srIs *sred su bdang p'a / / lha dkon mchog gsum la brten de / / smon lam bzang po dang / lha sngags
P0239,2504 bzang pos bdab pa'I yon gyIs / / 'tshI *tshe 'das pa myIng 'dI zhes bgyI ba / / gnyen byams pa'I ya lad dang / /
P0239,2505 'phrul gyI go ca thob ste / / tshI *tshe 'das pa myIng 'dI zhes bya ba / / gar skyes gar skyes gyang / / lcag gshed gyI 'dre
P0239,2601 srIn dang / / nyon mos *mongs pa'I sgra cha sna tsogs gyIs myI zug *bzung cIng / / 'chI bdag gyI bdud las rtsogs *stsogs pa / / khams
P0239,2602 gsum gI dgra thams cad las rgyal bar shog shIg / / / / 'phru sangs bsnga *bsngo p'a / / gnye *gnyen sdug cI *cing byams pa 'I dga'
P0239,2603 srIs dang / / bu srIng brtse ba 'I sris dang / / kha bzas gtsang mar bshams nas / / lha sngags gnyan pos bdab ste / /
P0239,2604 yI dag *dags ltogs pa' rnams dang / sems can brel phongs thams cad la / / sbyIn ba 'gyIs *bgyis pa'I yon dan gyIs / /
P0239,2605 myIng 'dI zhes bya ba / / lha 'I zhal bzas dang / / bdud rtsI bdung ba 'I dbang thob cIng / / sems can la / / sbyIn ba nam ka
P0239,2701 gang bar gdong zhIng / / gshIn ｿmying 'dI zhes bya ba dang / / sems can thams cad deng *ting nge 'dzan *'dzin gyI bzas dang / / lha 'I zhal
P0239,2702 bzas thams cad la stsogs pa las / / long spyod sna tsogs dang ltan bar shog shIg / / phru sangs las stsogs pas
P0239,2703 legs par sngo pas / / bdag cag gnyen khor *'khor slad ma mchIs pa rnams dang / / mtha' yas pa'i sems can thams cad / /
P0239,2704 bde legs phun gsum tshogs par ldan bar gyur cIg / / / / skyibs lug snga *sngo p'a / / myI nag po 'i gzhung / /
P0239,2705 shId nag po 'i lugs / / bon yas 'dod smrang / / 'dre gsur 'dod gyI rabs las / / myI bas
P0239,2801 nI lug 'dzangs la / / myI bas kyang lug mthu che bar 'byung ba yang / / sems can thams gyang sa *so
P0239,2802 so 'I las kyIs khrId pas / / lug gyIs lam drang yang myI dgos / / lug gyIs brag dral yang myI dgos /
P0239,2803 lug gyIs lam mkhan byed kyang myI nus / / lug gyIs blo byed kyang myI nus / lag dum gyIs mda' 'phen yang
P0239,2804 myI nus par / / ngon *mngon don la yid ches pas / / lha chos dkar po 'i gzhung / / myI dkar po 'i lugs shId dkar
P0239,2805 po 'i ches / / lha chos dkar po la rden nas / / lcags lag grang mo ni khong du ma bcug / / khong khrag dron po
P0239,2901 nI phyir ma phyung / / don snyIng smad lnga nI spar gyIs ma bdab / / g-yang bzhI nI phrag la ma gzar / / rus pa
P0239,2902 dkar po nI gdun la ma rdungs / / sha dmar po ni bzangs su ma btsos / / mtho res *ris myI 'I lug kyIs 'dre
P0239,2903 'I lam ma byad / / srIn gI las nI ma byas ste / / dmIg gson myIg nI rIg rIg / / rna gson rna nI dab dab / /
P0239,2904 rus gson ru *rus nI kyIl kyIl / / zhIng spang snar po la nI spang rtsI yan du za zhIng bzhag pa ste / / lha spos gtsang
P0239,2905 mas nI bsangs / / lha sngags gnyan pos pos bdab pa'I yon gyIs / / myIng 'dI zhes bya ba / / gar skyes gar
P0239,3001 skyes gyang / / mtshon cha las bstsogs pa'I sdug sngal thams cad las thar ba dang / / skye rgan ba'I sdug
P0239,3002 sngal myed pa'I g-yung drung gyI lus thob par shog shIg / / skyib *skyibs lug legs par stad pas / / gnyen dun
P0239,3003 slad ma rnams la / / rjes bzang zhIng bkra shIs par gyur cIg / / / rta sngos ba / / 'dI lta ste / 'das pa'I
P0239,3004 dus na / / ngom *ngo mtshar rmad du byung / / sIng ka glIng gyI g-yul *yul las / / rgyam *rgya mtsho dbus su nI / / ded pon 'khor dang
P0239,3005 bcas pa gru gyI nang du bzhugs pa las / / srIn gyI bo mo gnod spyIn 'jIg *'jigs pas bzung / / lcags mkhar
P0239,3101 'bar ma nang du bcug nas / / bza' bar bsham pa las / / spyan ras gzIgs gyI dbang phyug thugs rje chen po
P0239,3102 dpe myed pas / / bded pon 'jIgs pa skyabs myed de mthong nas / / 'jIgs pa las skyeb *skyob cIng / / sdug sngal
P0239,3103 las bsgrol ba'I phyIr / / thabs gyI rta 'I rgyal por sprul pa nI / / snyIng rje ltan ba cang shes pa la ho / / mkha'
P0239,3104 la bya bzhIn chu bya dang 'dra / / 'jIgs myed mthur ltan / yon dan phun sum tshogs / / lcags mkhar dgu
P0239,3105 rIm du / / gser gI byI ma la 'gre zhIng sprug ste / / kun du sgra skad bkang pas / / skyabs myed 'jIgs pa
P0239,3201 las thar par su 'dod pa / / myI sngarsa *sngangs brtan ba'I sems kyIs nga zhon na / / ded pon 'khor bcas
P0239,3202 sgra skad de thos nas / / rab du dga' zhIng cang shes rta zhon de / / rgya mtsho las rgal de 'jIgs pa de
P0239,3203 las thar / / bla na myed pa'I byang cub sems bskyed nas / / de *bde skyId g-yung rtang *drung thar pa de bzhIn du / /
P0239,3204 dI *de rIng sang ltar myI bu las zad cing / / bdag bdud kyis bzung nas / / myI bu gzhon nas shI / / rtsI dog snga
P0239,3205 na skams ste / / / / skyabs myed par gyur nas / / / /
P0239,3301 yun du phongs pa la zhon bar / don du bsam nas / / do ma rus dang myIng / rnam rta 'dI yang / / rta mchog
P0239,3302 cang shes pa la ho bzhIn du / / nam nam zha zha yun kyI phyugs gyI skal bar du bsngo 'o / / dkon mchog
P0239,3303 gsum gyI thugs rje dang / / dge ba che chung cI spyad pa'I mthus gyIs / / rta mchog khyod gyI yon dan 'dI
P0239,3304 rnam *rnams ste / / dgongs pa don grub 'jIgs pa kun las bsgral / / cI ltar lus la spu nI grangs myed zhin *zhing /
P0239,3305 phyugs dang nor gyI skyId spyod ltan bar shog / / 'jIgs pa 'i g-yul *yul las mgyogs pa 'I shugs
P0239,3401 kyIs bsgral / / rdzum *rdzu 'phrul rkang bzhI ngan tsong kun bsgra *bsgral de / / phyogs bcu sangs rgyas yul na yId
P0239,3402 bzhIn phyIn / / ma nor sgrib myed 'phrul gyI myIg gIs nI / / 'phags pa'I rdzu 'phrul mthong ba grangs
P0239,3403 myed shog / / sangs rgyas 'phrul gyI rna ba thos myed pas / / dge ba'I chos rnams ma lus thos shog / /
P0239,3404 khyed kyi sang sang gsal ba'I sgra snyan de / / 'das pa'I gnyen sa bshes kun dang phrad par shog / /
P0239,3405 mdzes sdug mthul *mthu rtsal phun sum tshogs pa des / / bde skyid g-yung drung gnas su phyIn par shog / /
P0239,3501 de ltar smon lam rgya cher bdab pa'I byIn kyI rlabs kyIs / / tshe 'das pa yang mtho ris thar pa'I gnas /
P0239,3502 thob par shog / / yon bdag slad ma rnams kyang / / bkra shIs zhIng rjes bzang par gyur cIg / / gnyen srIs
P0239,3503 g-yag sngos p'a / / thab nI ru rno / lus nI brjId bzang / 'brong stings chen 'dI lta zhIg / / gshId *shid
P0239,3504 nag po 'i 'dre 'i sna 'dren / / srIn gyI chos ngan pa rnams nI / / chos ngan pa bzhIn du spangs / /
P0239,3505 lus kyI drI ma bzhIn du bkrus dbyangs nas / /
P0239,3601 lha chos dkar po 'i gzhung la / / bkra shIs gyI rjes bzang po la brten nas / / ngan par ma bsam / / mda'
P0239,3602 nI ma 'phangs / / mdung gyIs nI ma bdab / / snyIng khrag dron mo ni khar ma phyung / / don snyIng smad lnga nI spar
P0239,3603 gyIs ma brabs / / lce dmar po ni mkhal du ma phyung ste / / mkha' lung g-yang par rtsI dog bza' zhIng / /
P0239,3604 gnyams dngar *dga' du bzhag pa dang / / phyugs las ngan pa ma byas pa 'I lan gyIs / / gshIn myIng 'dI zhes
P0239,3701 bya ba la / / gar skyes gar skyes kyang / / thabs la mkhas pa'I ru rnon po dang / / 'jIgs pa myed
P0239,3702 pa'I yag *g-yag snyIng dpa' dang / / bsod rnam *rnams chen pa yag *g-yag lus sdug pa dang 'dra ba 'I go ca thob par
P0239,3703 shog shIg / / / /
P0733,1901 # / / de nas gshIn # / / thams cad mkhyen pa 'I ye ｿshes khyang / / mngon bar shes pa'I ---
P0733,1902 la yang rnam par sbrul bar gyIs shIg / / chos gyI dbyIngs la yang ma g-yos shIg / / byang cub gyI
P0733,1903 sems bskyed pa la yang ma gdang shIg / / de bzhIn gshegs pa 'I rnam par 'phrul ba dang / / byIn
P0733,1904 gyI rlabs kyIng *kyang yongs su rton cIg / / / lha yul du lam bstan ba rdzogs so / / a'oM / / / /