Old Tibetan Documents Online (OTDO)
P.T.126
last modified 2001-11-26
PT0126,0001 dang ?gdan / / ?cha --- ?dga' la / / ?sdig ?pa ?ngan
PT0126,0002 dgu gtong myi phod / / tshe cig btsan phyug mchog du 'dzin / /
PT0126,0003 lha chos bzang po gcig myi spyod / / ma tshor bar du bdud
PT0126,0004 kyis khyer / / gna' myi 'dzangs shing che dgu yang / / tshe ring da lta
PT0126,0005 gcig myi snang / / shi zin phan cad sa phung yin / / myi cig
PT0126,0006 skyes pa' tshe dus la ring por myi thogs de'u re myed / / khrel
PT0126,0007 dang gzungs myed mna' yang bza' / / mtha' ma yun du
PT0126,0008 legs myi spyod / / tshe srog thung ba glog par myur / / gson
PT0126,0009 dang bye ste / / dur du bskyal / / sdig byes grogs po rtag
PT0126,0010 par 'dre dang srin / / gtan kyi grogs ngan skyid myi
PT0126,0011 myong / / dge sdig myi shes nyon re mongs / / nang nub myi dal
PT0126,0012 phyug por 'dod / / lhag par yod kyang chog myi shes / /
PT0126,0013 shI ba'i re mo kun la 'ong / /
PT0126,0014
PT0126,0015 shi zin phan cad ci shes / / bsag shIng bdog pa kun dang
PT0126,0016 bral / / phyi na ci lus bdag myi dran / / leg pa 'ba' shig
PT0126,0017 grogs su 'ongs / / byad bzhin bzang po klu dang sman / /
PT0126,0018 myi sdug mthar mar skam kyis myed / / gos zas bzang po
PT0126,0019 za' bog dar / / cir yang ma rung rdul du gyur / / gshin
PT0126,0020 cha bzang po bgos myi phan / / kha zas bzang po dur du
PT0126,0021 bcugs / / lo stong bar kyi brgyags yod kyang / /
PT0126,0022 za ba'i dbang myed yun du lus / / bzang sdug gnyis
PT0126,0023 ?shIg dur bcug kyang / / khog skam gnyi shig dgar myi dran / /
PT0126,0024 gnyen sdug gnyi shig sngas na du / / khri 'bod stong 'bod
PT0126,0025 rnas myi thos / / gson gshin lam gnyis so sor gyes /
PT0126,0026 shi ba'i nyon mongs kun 'is brjod / / gnyen dang bdza' bshes
PT0126,0027 phyi na tshol / / khang khyim bzang po 'dug dbang myed / / ma tshor
PT0126,0028 bar du bdud kyis khyer / / bzang sdug gnyi shig 'dug dbang
PT0126,0029 myid / / lo brgya' tshe yang 'dron po 'i zhag / / gshin rje'I
PT0126,0030 sbron 'os so sor khyer / / shar nub ?'drul *'dul yang ngo myi shes / /
PT0126,0031 shag nyir kun 'is byol myi btang / / legs pa 'ba'
PT0126,0032 shig grog su 'ongs / / gson gyi tshe na btsam phyugs sgrun / /
PT0126,0033 shi ba 'I 'og legs nyes bsgrun / / mthon man kun yang sdig yul
PT0126,0034 gcig / / lha yul sgro mor che chung mtshungs / / legs rgu byas na
PT0126,0035 dpal du skye / nyes rgu byas na ?byur *byus du gyur / / 'adi gnyis gang bya zhib
PT0126,0036 du brtogs / / shi ba yang dag thar ba myed / / bdud 'ongs nad 'ongs
PT0126,0037 da gzod skrag / / lus srog gar sba blo myi rnyed / / 'gug cing sbron ba thad
PT0126,0038 du 'ongs / / gshin rje'i bdun du ci skad bshag / / dkar chags
PT0126,0039 plags na legs ma byas / / srin gyis bzungs shing zangs su btsos
PT0126,0040 sdig yul kun du khyab par khrid / / skyin 'dang 'bab du sdig myi
PT0126,0041 'byang / / 'chi ba'i dus na btsan nyen myed / / skye dgu kun yang gcig myi
PT0126,0042 thar / / gson gyi tshe na legs ma byas / / shi ba'i 'og du bzhar ma ?rung
PT0126,0043 'adi dag gad bya zhib du brtogs / / legs nyes myi shes gsod pa dang / / chang
PT0126,0044 thung ba'i tshul bshad pa / / bdag gyi chung ma dgos myi brin / / gzhan gyi chung ma
PT0126,0045 gser bas bri / / yang dag bden chos myi rtog cing / / phra ma khrugs ma
PT0126,0046 mchog du 'dzin / sha chang gral na ran 'dzang rtod / / khyal ba'i smyo tshig ched
PT0126,0047 du zer / / lha nga nang du sdig myi bshag / / bde ba'i tshe na lha myi dran / / na ba'i
PT0126,0048 tshe na lha ltos / sdig to myi la lha myi 'ago / / lha chos thas na dpyas su
PT0126,0049 'dzin / / sha chang mthong na srog kyang bsdo / / lha chos byed na' 'on zhing rnegs
PT0126,0050 sgyu ma'i don myed sun myi 'byin / / 'phyo g-yam byed pa skyo myi shes / /
PT0126,0051 myI 'i myi grangs phyug kyi chos / / sdig yul kun du btsal myi dgongs
PT0126,0052 sdig lam gsum las thar myi myong / / gnag lug kun bsad ?zang *zangs
PT0126,0053 su btsos / / khra sgrig thogs shing ri lung rgyug / / gzhan la na
PT0126,0054 tsha bdag myi tshor / / pags bshus sha bshas so sor za' / / 'dre
PT0126,0055 bkren phar spyang ltogs pa 'dra / / lha chos myi byed smyo zhing rgyug
PT0126,0056 myi 'i myi grangs 'dra dang mtshungs / / sdig yul kun du btsal myi
PT0126,0057 dgos / / bdag kyi lus la tshogs par yod / / sems shan thams
PT0126,0058 cad gson por 'dod / / bsad pa'i na tsha kun myi dga' / / srog
PT0126,0059 la 'phangs par che cung mtshungs / / gzhan 'is bdag bsad sha
PT0126,0060 zos dka' myi dka' / / de las soms ste lha chos byos / /
PT0126,0061 # / / chang thung khyel ba dug dang mtshungs / / ci yang myi dran
PT0126,0062 smyo ba'i tshul / / bzhin 'gyur stabs khyebs tshig myi bden / /
PT0126,0063 mtshon dang ngag shor srog kyI bdud / / skyugs pa khar byung sla tsha
PT0126,0064 bro / / nang par langs nas nyams myi dga' / / las kyi bun byung
PT0126,0065 ?nyon re mongs / / zas kyI gron che so nam stong / / nam zhig
PT0126,0066 legs pa zhib du rtogs / / ngan pa'i tshul bshad pa' / / / /
PT0126,0067 sha zos chang thung thab mo byed / / nyin mtshun ngan byed bdag
PT0126,0068 myi tshor / / 'gram spu skyes su chos myi byed / / byed bzhin
PT0126,0069 bzang po gnyer mar gyur / / khong zhom skyibs dgu mnga'
PT0126,0070 myi sdug / / dmyig mdoms / rna 'on bzang myi rigs / / ---
PT0126,0071 'dam lag 'dar 'gro myi phod / /
PT0126,0072 spyi char kha bog rda myi phrad / / sha zad pags rnyil skam la thug / /
PT0126,0073 yar lang mar 'dug gog cing phye / / bu tsha'i snying du phyir myi sdug
PT0126,0074 bsam na' myi dga' dgun myi chad / / bdag shI skyin 'bar gzhar
PT0126,0075 myi 'gro / / 'dug pa'i lo grangs zad kyis myed / / da cung ngan
PT0126,0076 byed bdag myi tshor / / legs pa'i chos kyang zad la 'das / /
PT0126,0077 legs pa ma mthang da dung slobs / / srI zhu'i mdo bshad pa' / /
PT0126,0078 pha ma mthong na' / / tshig pa za' / / bu smad mthong na dga' bar
PT0126,0079 'dzin / / pha ma btsal na gzhan myi rnyed / / bu smad btsal ba rnyed p'a
PT0126,0080 sla / / pha myed na ni myi skye 'o / / ma myed na nI myi sos so / / ma'i bu
PT0126,0081 gsos shin du dga' / / thog ma chags nas nyams myi bde / /
PT0126,0082 ma byung bar du nyon re mongs / / zla b'a tshangs nas bye brag phyid / /
PT0126,0083 lug bsad sha gzhi 'og dang 'dra / / g-yas g-yos kun
PT0126,0084 kyang khrag 'is gang / / na tsha myi bzad shi la thug / / gshes
PT0126,0085 grang mal du ma bdag nyal / / skam dro mal du bu
PT0126,0086 sdug bsnyal / / ma snying rtag du bu la chags / / ska cig myi
PT0126,0087 bzod nyon re mongs / / skyes na chung ma'i ngag nyen cing / /
PT0126,0088 pha ma gshes na dmyig 'or byed / / bu smad mthong na dga'
PT0126,0089 bar 'dzin / / de ltI'u bu'i sdig yul du / / phyin cing nam
PT0126,0090 du yar thar myi myong / / de las som ste sri zhu byos / / leg
PT0126,0091 nyes kyi mdo bshad / / leg pa myi shes gsod dga' / / kun
PT0126,0092 la dngan byed 'dre dang 'dra / / byams gshing kun gsos
PT0126,0093 lha dang mtshungs / / nal g-yam rtsog pa'i myi dag
PT0126,0094 la / / lha mnol zhing ni byur du 'gyur / / myi g-yam khong
PT0126,0095 gtsang ya rabs thu / / legs dgu spyod pa dpal du skyes
PT0126,0096 grogs po rtag par lha dang 'grogs / / rkun phrog
PT0126,0097 byed pa kun kyi gcan / / rku bar myi bsam kun kyis
PT0126,0098 bstod / / rtsod par myi 'dod nyams snying bde / / khrog gtuMa
PT0126,0099 zhe sdang 'khon kyi tshang / / kun kyang myI 'dum srid kyi gzhis
PT0126,0100 khong mnyen tshig 'jam leg kyi gnyen / / mang po mdu
PT0126,0101 ba legs kyi snon / / rdzun cen phra ma srid kyi gdon / /
PT0126,0102 byams pa'i mdo myed 'khyam ba yin / / 'phrul kyI byig
PT0126,0103 shus phyi ma la bstan pa'I mdo rdzogs so / /
PT0126,0104 # / / gna' dang po / gzhe thog ma / dmu dang phywa gnyen ba'i 'tshe / phywa 'i pho nya dmu 'i ?thad du mchis pa' /
PT0126,0105 dmu 'is bka' stsal pa / nged kyi dmu yul 'adi dag na / dga' lha byed ni nam myi nangs la / dro nyi 'od kyis
PT0126,0106 ni / mun myi sros pa'i sa yul 'adi dag ni / g-ya' mtha' ni g-ya kyis bskor / mthing mtha' ni dag gyis
PT0126,0107 bskor te / mtho ste bya myi lding la / dma' ste byi myi zul ba'i gra gru 'adi dag na / / chu chun ?nong *nor bu dag
PT0126,0108 sbron du 'ongs pa'i mchid na re / pho brang khab sgo na / bang nge bung nge se ru long long / ne'u bun bun po / myi cung po ka
PT0126,0109 tsam la / rta cung lgo ba tsam kha cig gda' 'o skad na / / myi ni su 'i myi / byon ni gang nas byon / don no su
PT0126,0110 la gnyer / drag du rmed pas / zhib du springs shig / / / / pho nyas lan btab p'a / bdag
PT0126,0111 cag ni 'phywa 'i 'bangs / phywa 'is bka' stsald / rje ni zhu phud nas / mago nag 'greng la rje myed
PT0126,0112 rje skos la / rngog chags ?dud la khram thob cig ces bka' stsald pa / 'debs shing mchi ba'i
PT0126,0113 shul ka na / bab dmu yul du bab ste / dga' ni lha byed / ?dre ni gnyen byed / yar ni lha mchod / mar ni ---
PT0126,0114 gnon ba'i thad kar bab ste / / bdag cag ngan pa yang lha la ni yon 'bul / dmu rje la ni bkod tsam
PT0126,0115 'bul zhing spyang ngar mchis / / pa'i pho nya lags / / / dmu rjes bka' stsald / pa' / /
PT0126,0116 myi khyod cag kyi bka' mchid la / g-yo sgyus bsnan pa'i sho ge dag rab du che bas / shul ner bar byon ba
PT0126,0117 'dra / nor tshabs dag rab du che bas / sngar gi shul gang lags pa de kho zung la slar gshegs shig / / pho nyas
PT0126,0118 lan btab p'a / / bdag cag rtsang smad mdo nas tshur mchis na / shul yang nor / te / / ri rong ni stsub / chu rdzab
PT0126,0119 ni che / myi dang mjal pa las / skra ni 'kham pa dmyig ni ser ba / skad ni 'dzer ba / rka lag ni khyor ba
PT0126,0120 cig dang mjal te / su 'i myi zhes bdag cag la 'dri 'o / bdag cag kyis kyang / drang por smras te / dmu 'i yul du
PT0126,0121 phywa 'i pho nyar mchi zhes bgyis na / kho'i mchid nas / 'o na khyod cag nor par 'ongs te / yul 'adi ni
PT0126,0122 srin gi yul gis / / dmu'i yul ni shar lho 'i tshams na yin bas / de ltar / song skad nas shul
PT0126,0123 bstan / te / da ltar dmu'i yul 'dab du 'phebs na / myi dang mjal na / myi mgon po bas legs
PT0126,0124 skad mdangs ni 'brug skad pas che la snyan / dri gsung ni spos kyi dri bas gda' 'o / da rje 'i spya ngar sku
PT0126,0125 bla la yon 'bul / dmu rje la bkod tsam 'bul zhing zhal mthong bar ci gnang / / / / dmu rjes
PT0126,0126 bka' stsald pa / nged kyi yul 'di dag na / sa 'tshams kyi stag 'phreng khri skugs dag na / gles pa stag dang
PT0126,0127 gzig / dom dang dred las bstsogs pa mang por mchis na / de kun gcig dang yang ma phrad na / khyed cag gnam nas 'ongs
PT0126,0128 na ni / phur ba'i 'dab shog myed la / sa las 'dzul te 'ongs na ni byi ba ma yin na / khyed cag gi tshig la zol mang
PT0126,0129 bas slar gshegs shig / / / / pho nyas lan btab pa / bdag cag ngan pa la sgyu dang zol ma ?mchis /
PT0126,0130 dmu rje 'i stag phrang gzig phrang na / gles pa stag gzig dang yang mjal / dom dang dred dang yang mjal /
PT0126,0131 la la ni btsas phul / myi la ni yon phul nas / bdag cag ngan pa la shul bstan nas / dmu rje 'i spya ngar mchis
PT0126,0132 pa lags / / / / dmu rjes bka' stsal pa / / khyed cag gi tshig la yong zol yod pas / nged
PT0126,0133 dmu 'i gcan pa gles pa lcags kyi myi rta zhub rlung ltar ni phyo la / glog ltar ni myur ba / lcags kyi ri bong la lcags kyi
PT0126,0134 khra bkye ste / ste len du len ba dag kyang yod na / de kun gcig dang yang ma phrad na / khyod cag kyi tshig yang brdzun dang zol mchis
PT0126,0135 ?par *pas / slar gshegs shig / / / / pho nyas lan btab pa / / bdag cag ngan pa la rdzun dang zol ma mchis / lcags kyi myi
PT0126,0136 rta zhub lcags kyi khra bkye ba glog ltar myur ba dang yang mjal te / lcags kyi thur ma la / lcags kyi ri bong gtur nas bsreg
PT0126,0137 sha bgyid pa dang yang mjal / mdzo mo dkar mo zhig bshas te / mzhug ma ma bcad pa dang yang mjal nas / de kun la yang
PT0126,0138 phywa'i bka' rtags dang skyes rangs phul te / rta / rgal nas mchis na / da sku bla myi mthur myi g-yo ba'i lha yon tsam 'bul du
PT0126,0139 mchis na / lha zhal tsam mtho zhing phyag chud pa tsam du ci gnang / / / / dmu rjes bka' stsal p'a /
PT0126,0140 'o na phywa 'i pho nya nged kyi sku bla la mchod gsol du 'ongs na / mchod pa'i rkyen ci yod / 'jang smyug mchod
PT0126,0141 la / thang kar yug gyis bsgron ba lha mda' yod dam myed / lha mda' 'i rkyen rgya dar ris phran yug kyis
PT0126,0142 btags pa yod dam myed / gser kha ma blangs pa yod dam myed / g-yu 'i slag cen yod dam myed / sngon mo
PT0126,0143 'bru bdun la khal dgu yod dam myed / sngon mo 'ding ding 'bras kyi khu khal dgu yod dam myed / mthud gong
PT0126,0144 gong mo tsam mchis sMa ma mchis / mar gi sreg sha sreg pa tsam mchis sam ma mchis / o ma'i
PT0126,0145 gdar bre kha tsam mchis sam mchis / lha lug ngo mar mchis sam mchis / lha rta snyan kar mchis
PT0126,0146 sam ma mchis / lha 'bri zal mo mchis sam ma mchis / lha g-yag sham po mchis sam ma mchis /
PT0126,0147 dmu rje la yang skyes rangs rdzogs par mchis sam / dmu blon la yang skyes rangs rdzogs par mchis na /
PT0126,0148 'dron po dag kyang dgung mtha' skor skor ni / rgod po mtha' zags la / dog mtha' skor bskor ni mtshal
PT0126,0149 ba thil rdol / myi ni chad rta ni ngal na yang / ra ma'i 'dab tsam du gdab du gnang / sku bla la yang yon 'bul
PT0126,0150 du gnang ngo / / / / zhu ba rnam 'g *'ga' snyan du zhus te / bka' gnyan pos lung ngu stsal te gnang
PT0126,0151 ba / gtang rag spyi bo gtsug gyis 'tshal zhing mchis so / / / / # / / sku gnyen phyogs kyi
PT0126,0152 zha snga nas / mang zham nyid kyis mchod gsol pa / / bdag cag ngan pa lta shig mchis pa / bus ba ngan pa
PT0126,0153 'g *'ga' zhig rkang rings te skyes na / khyed kyi zham 'bring 'dab du / ring ba'i ni srab mda' 'dzin pa 'am / thung ba'i
PT0126,0154 ba'i ni yob cen gi rten tsam 'am / mtshan mo ni g-yang mo 'i mtha' skyong ba tsam du 'bul bar basMas
PT0126,0155 te / rko --- ?rnam 'g *'ga' tsam zhus na / yang / rko long du ma brtsis te / bka' chad kyis ma bkum /
PT0126,0156 gshegs su gnang ba glo ba dga' / / de 'i rjes la myi dang 'dra ba'i gdan tshab 'am / gsol du rung ba'i
PT0126,0157 bshos ?skyems ni ci yang ma 'byor lags na yang / bye'u tshang du rgyal gshegs pa dang mtshungs te / gdugs
PT0126,0158 tshod ma khongs pa'i thog du / grang mo zhal bu re re zhig sku la dmyigs shing mchis na / chungs kyis
PT0126,0159 bka' myi 'bab / bzhes pa tsam du ci gnang / / / / bdag cag ngan pa mchis
PT0126,0160 pa yang deng gi gdugs la / 'di 'dra ba'i bka' lung gnyan po g-yar du stsal pa yang / g-yar tshod ma
PT0126,0161 mchis / / bdag cag kyi yab khu dag kyang ma rdzogs / / yab khu dag dang bka' gros bgyis la
PT0126,0162 de nas khyed cag la bka' lung dag sbyin gis / / / / sku gnyen 'phrul gi zha snga nas /
PT0126,0163 deng gi gdugs la gor bu 'i zhabs tshegs la ma gzigs te gdan gshegs su gnang ba glo ba
PT0126,0164 dga' / bdag cag ngan pa yang lha zhal tsam mthong / lha bka' tsam nyan cing mchis na / bka'
PT0126,0165 stsal pa tsam du ci gnang / / / / de lags khyed 'o skol mchis pa yang / phu ni stong ?sde /
PT0126,0166 mda' ni rgya sde / rje gcig gi 'bangs la yul cIg gi ni myi / sa cig gi 'bras / ri cig gi
PT0126,0167 rdo / khyed 'o skol la dbyar myed pas / khyed kyis nas kyang ce'u yag dang log men dag ltos / rung
PT0126,0168 zhing shis par gyur na / bdag cag --- bka' ?gros dag ?gyis la / khyed la bka' lung dag sbyIn gis /