Old Tibetan Documents Online (OTDO)
P.T.1134
last modified 2001-12-28
P1134,0001 ---
P1134,0002 --- tshigs ---
P1134,0003 --- ?mo ni bgrod nongs te' / ---
P1134,0004 --- thrkus / na / she za la ro sman / ?spu ---
P1134,0005 --- ni rgar ma mnyan dro dpyid nyi ring po ni ?nub ---
P1134,0006 --- ?bgrod nongso *nongs *so gru bzhi ni bgrod te / rje gral ni mto ma slebs / sha
P1134,0007 --- / rjes bkur ni ngo myi 'to' / rtas bkur ni 'prag myi ring gzha *gzha' ring
P1134,0008 --- bab / gi bar du skar ma gru grums / tang mjald te se gru ?bzhi / na /
P1134,0009 --- pyugs spo ma nye du khyod gyang / se mo bgrod / nongs shing rta sbrang kham po
P1134,0010 ltar / gzha *gzha' ring du se mo / gru bzhi na lu sa re se mo bgrod legs / gru bzhi bgrod legs /
P1134,0011 na / gnam gyi ya bla dgung gi ya stengs na / pa dang yab smos / na / mgon tshun phywa' / ma /
P1134,0012 dang yum smos na / ta nga ngur mo / tang / bshos tang nams gyi sras / mgon tshun gtings na
P1134,0013 rje' / mgon tshun pywa'i / sras shig / btud tang ni chab gang / bsdoste *bsdos *te / / bdud dang bang pyal /
P1134,0014 bslags / mnard ni bdud gyis mnar te / / pywa'i sras shig / grongs / na / do ma snying dags / ni
P1134,0015 pu dang mgyogs / tang dmag rab gyi rta po / nu yid / mgyogs / gnam gyi pa mtha *mtha' dgu
P1134,0016 nga gi pa 'brum nas / bu ni lha 'i / bu / tsha ni srin gyi tsha ste' / bon / gshin gshen
P1134,0017 drag gi / pa ngag ni rgar nyand / dpyid nyi ni nub tu 'jugs / pu dang mgyogs tang nu yid
P1134,0018 mgyogs gnyis / rje gral / ni mto yang slebs / sha rtshi ni gda' / yang mnabs rjes bkur
P1134,0019 ni / ngo / yang mto' / rtas bkur ni / 'brag gyang ring / gnam rim pa dgu steng du mgon tshun /
P1134,0020 gdings na re / la mto rgal gyang / myi pyugs mnyam du rgal / damA rab 'bog gyang /
P1134,0021 myi pyugs mnyam du rgal / rtsha *rtsi dbyar sngo dgun du sngo yang / myi pyugs mnyam du sngo / sngo mo /
P1134,0022 ngar 'gam yang myi pyugs / mnyam du 'gam / se mo bgrod legso *legs *so / gnam rim pa dgu /
P1134,0023 'i steng nas / par gshegs na se mo bgrod nongste *nongs *te / gru bzhi bgrod nongste *nongs *te / gnam gyi pa mta' /
P1134,0024 dgung gi pa 'brum / na / pa dang yab gyi mtshan / ding ding dings gyi / rje / ma dang yum gyi ?mtshan
P1134,0025 dog ngur ngur ngur mo tshun / bshos dang nam *gnam gyi / sras / gdags dre'u rje btshan ba zhig / 'brog dbye
P1134,0026 --- / lteng sum du / sha shord 'brong gong du gshegs / na brag gnam brag / gdrings brag gi /
P1134,0027 ka nas / chibs ka yengste *yengs *te / gdangs dre'u rje / btshan ba / drir grongs gyis myed / na / do ma /
P1134,0028 snying dags / ser ngang ge / pa dur gshen rma da nas / bstan drung ni ma mnyan / glan drung ma dagste *dags *te /
P1134,0029 bstan pa ngag ni / rgar ma mnyan / dro dpyid nyi ni num du ma 'jugs / se mo ni bgrod nongste *nongs *te /
P1134,0030 gru bzhi ni bgrod nongste *nongs *te / gshin te / nyer bu bgrod nongste *nongs *te / rje gral ni / mto ma slebs / sha rtshi
P1134,0031 gda' / ma mnabs / rjes bkur ni ngo myi 'to / rtas bkur ni / 'brag myi ring / gzha *gzha'
P1134,0032 ring tung gyi bar du / se mo ni / rgyand du lus / gru bzhi ni / rgyandu *rgyan *du lus / mdzad / ltad mo
P1134,0033 ni / myis blta / gad mo ni / myis bgd / pa dur gshen rma da nas / gshin lam mar ba yang /
P1134,0034 bstand gshin sgrog / mar ba ni gri yu rings gyis / brams / pa ngag gshen ngag tshig gsuM
P1134,0035 la ni / gshin la gong gsum / ma rglad / gshin yul / mar ba ma bgrod / ches byas / na /
P1134,0036 sne'u kyad kyud / gyang / snying ma bdun gyi laM / drang bu sag sig gyang snying ma ?bjun *bdun gyi lam
P1134,0037 chab bu chal chol gyang / snying ma bdun gyi lam / rab gshin rab ma rglad la gshin la / yang /
P1134,0038 ma rglad / se mo na lus gis / myed / spro ma kyed gyang / ser gang 'ge ltar / se mo bgrod nongs
P1134,0039 gru bzhi bgrod nongs / shing / se mo na / lus sa re / gru bzhi na lus sa re / / / chab gyi ya
P1134,0040 bgo *mgo na / myi rab 'greng ru cho zhag / kab dang dbyal / btshald pa / chab gyi ma bzhug
P1134,0041 na / 'gyam mo tshe 'i bu mo / 'gyam za ting gug / chig kab dang gdar du blangs / na pra ma ni / bdud /
P1134,0042 gyis bgyis / bkyon ni / pywa / bkyonte *bkyon te / myi rab 'greng / ru cho / 'ban te ni grongs gyis myed
P1134,0043 stug ste ni rlag / gis / myed / rno ste ni / chagis *chags *gis / myed / myi myi shi 'i yul / na myi shis myed /
P1134,0044 ba myi rlag gi yul na ba rlag gis myed / 'pan gyi bu grongs na / gso ru / bon ma mcis /
P1134,0045 krung krung ni sngo rdol na / brdung du / bgar ma 'tshald / rje grongs gyis myed / g-yu grugs
P1134,0046 gyis myed myi / smon nI smon du / ma rung mtshe gzugs gzugsu *gzugs *su ma tsugs na do ma snying dAngas
P1134,0047 gI / mying ba ni lcags te ku ku dmag rab gyi rta poni *po *ni zangs te / pyo pyo gnam gyi pa mta dgung
P1134,0048 gi pa 'brum / na / bu nI lha'i / bu tsa / nI srin gyi tsa ste bon / gshin gshen drag cig dur shen *gshen
P1134,0049 rmad na glan shen *gshen dril bu lde'ushen *lde'u *gshen / rmun bu bon gshin gsas / drag gis gto bgyis dpyad
P1134,0050 bgyIs pa shId bgyi rmang tsugs shIg ?cha gar ni ce ru rtsigs shIg bas la ni rgyal sgo
P1134,0051 shig lung na ni se bchaste *bchas *te / se gru / bzhi la shing tang bzhI btsugs / bya / kyi bzhi spord cig bzang
P1134,0052 se la ni sord cig / mgyogs dgyusu *dgyus *su nond / cig bzang se la / sard na pur ke mur ke gnyis /
P1134,0053 gtsos gyi nI snying khab dang rma / bzang ni chab ma dmyig bzang se la sard na dar ca / 'om bu / se la /
P1134,0054 sardo *sard *do mgyogs / / dgyusu *dgyus *su brgyugs na / lcags te khu khu dang zangs te pyo pyo pon kar skyes
P1134,0055 'dab rgyan ka rtse dang / mgyogs dkyusu *dkyus *su nI brgyugs shed bzhi ni gnaM las bgye smra / bzhI ni sa la
P1134,0056 bkod thugs shul ni dga' brang du thugs sbra / ni / dkar mo pub rtan byang rtan khod mo ni bkod se 'brum
P1134,0057 bzhI 'i nang du lcags te ku ku dang zangs te ni pyo pyo gnyis gya ma za tIng ni dame gos nag po ni skul
P1134,0058 / mnabs / pyag na dar gyi pag tse ni snams srab mda' sha / bring mnyen mo / ni bzung thugs dang / cad gyis / ni
P1134,0059 gnyen 'dun gI zhal myi 'tsold gyis / bstand pa ngag tsIg suM ni rgar / mnyend / dro / dpyid / nyi ring po ni nub
P1134,0060 du 'jugs ste snyan drung ni sil bond / spu drung ni / tems bzhag thugs rum du thems bzhag
P1134,0061 pa dur shen rma da chan dang / gshen rabs rab myi bo dang skar shen *gshen / the'u bzhug dang pyugs spo ma nye du khyed gyang
P1134,0062 grongs rje grongs gis myed grugs g-yu grugs gis myed 'pan gI ni bu grongso *grongs *so khrung khru *khrung ni sgong rtold /
P1134,0063 rno'i ni gzhu chag gis pyi sgo ni gzigs shig ra skrom lug sgrom gyis ni bsgroms gshin /
P1134,0064 sgrom mar bar ni bcug ste mto la 'ang myi 'da' dma' rab gyang myi 'bog go pa dur shen *gshen rma da na dang
P1134,0065 gshen / rab myi / bo gnyis gyis / se mo ni bgrod legs te gru bzhi ni bgrod legs te rje gral nI mto
P1134,0066 yang slebs sha rtsi nI gda' yang / mnabs / da rung ni da cung / du bshos gyi ni / lha sa na ma grongs ni
P1134,0067 bshos gyi rabs / so / / / # / lhe'u yang ka' rje'i rabso *rabs *so / / / gna' kar / ga la gzhe dgu ga la / /
P1134,0068 skyin dang ma bab gyi ba snga na gnam gyi ya' bla na / dgung gI ya stengs na' / 'gon tsun phywa zhig khab dang /
P1134,0069 dbyal ma mcis kab dang dbyal btsald pa / bdud rje btsan tog skyold gyi sras mo tang nga bdud mo tang
P1134,0070 zhIg kab dang / dbyal du blangs te bshos tang / nams / gyi sras / bu po ru / byung / sras dral du bltam bu'i mying
P1134,0071 btags / sras gI mtsan btags pa / lhe'u yang ka rje ni lha dard btsan myi mags sgog tog ni
P1134,0072 g-ya *g-ya' myi mkas btsan ni 'dran 'tor mkyogs ni dkyus tsol zhang dang chab gang sdos / zhang
P1134,0073 bdud dang chab gang bsdos bdud dang yang bslogs / mnard ni zhang bdud gIs mnarde *mnard *de lhe'u yang
P1134,0074 ka rje gnam las / ni bdud bcad sa las ni sri langste *langs *te grongs gyis / myed sang gI nam nangs / dgung
P1134,0075 sangs / na' pa / yab gyis bltas te gzis *gzigs / 'gon tsun pywas / bltas / te / gzIgs pa na / bu / ma bzhengs sras
P1134,0076 ma / bzhengs / gyis myed pha / yab gI zhal nas 'gon tsun pywa'i zhal nas bu ci la thugs chad cI la
P1134,0077 ?'brang 'old mto mkar bzhed na bzhes te bzhud dma' yul bzhed na bzhes / te / bzhud ces bgyis na
P1134,0078 bu ma / bzhengs sras / ma bzhengso *bzhengs *so 'o na / btsan / khol / pa / bcu dang pyugs bdag / sna dgu / bzhed / daM
P1134,0079 lung dags ?bo mco dgu na ra lug mying srIng / bzhed / na bzhes shes bgyis gyang bu ma bzhengs
P1134,0080 gIs myed / 'o na 'gon btsun / pywas / bltas te gzigs / na spyan / bltas / na mcing / bas sngo sha / bltas gyis
P1134,0081 dar / bas dkar 'gon tsun / pywa las / bon / bkhas gsas drag myede *myed *de bu lhe'u yang ka rje ni pang du blangs
P1134,0082 te zhag gsuM / du bskyed byang bu myi mtsag snar gyang sladu *slad *du / grongs / gis myed bla za 'o 'bos / gyang
P1134,0083 sla *slad du grongs spyan bye / 'ang / sladu *slad *du grongs / gyis myed / pa yab gi zhal / nas / 'gon tsun pywa'i
P1134,0084 zhal nas btsan rgyal kha ba mgyogs dkyus tsol ba / zhang dang cab gang bstos bdud /
P1134,0085 dang nang / byal bslags gis / zhang / bdud gyis / bgrongs / na / myi shi ba 'di gso na sos / sam
P1134,0086 myi sos / gor / gam ba 'di / sbyar na 'byord taM myi / 'byor ches / gnam / gyi / pha mta' / dgung
P1134,0087 gi / pa 'brum / na / bu ni lha 'i / bu' tsa ni / srin gyi tsha' bon gshin / gshen drag / chig yod na /
P1134,0088 de gnyar te' / mgon tshun phywa' dang gnyis gyis / gto bgyis / dphyad bgyiste' *bgyis *te / myi / shi / ba
P1134,0089 ni / gsor myi sos / gor gam ba ni / myi 'byor gyis / mdad shid cher gtang cha gar cher brtsig ches /
P1134,0090 bgyiste *bgyis *te / da' chibs do / gnyigs *gnyis / grar btshud / na / phu dang bgyogs / tang / nu yid mgyogs / grar ba
P1134,0091 tshud / da' re shig re shig na / sa ma bi' / tog / na drang nga dbyen brgyad gyi nang na che bzhi zhig
P1134,0092 shag rag bgyiste *bgyis *te / mna' bchad mtho bchad / nya ce yor rmang sram che dang dngul / bya che' lchogs /
P1134,0093 mo wa che spyang ldom / dang bzhi' / sha rag / man *mna' mtho bchad nas / sram che' / dang dngul gis /
P1134,0094 shag rag / mna' / zos / ma bu dug 'tungste *btungs *te / nya che yor mang / wa che' / sbyang / ldom gis / shag
P1134,0095 rag man zoste *zos *te / nya che yor mang gi / sha la ni za / grag ni 'tung zhing mchis / bya che lchogs mos
P1134,0096 nya che yor mang gi / ro' / mdab ma'i / gshog tog du / blangste *blangs *te / sphrind gyi go / bsald / gnam
P1134,0097 gyi / mthongs phye ste / gnam gong yang du / bor dgung gong yang du bor / nya che yor mang gi
P1134,0098 ro' / nang nas / wa che spyang ldom / byung ste / / mgon phywa'i do ma snying dags / tang mgyog
P1134,0099 sa / yid mgyogs / gyi / bse 'i / cho rold / tang / byang gi / smyangs ?mtshemrad *mtsherd 'choste *'chos *te chibs tang
P1134,0100 mgyogs / yid mgyogs / gnyis bros te / song mgon tshun / phywas / bsnyags / na ni ma slebs / gzung du
P1134,0101 ni / ma zind / mtho la ru bros / gyang bsnyag du ma slebs / dma' rab tu bros / gyang bsnyag tu ma slebs /
P1134,0102 dbye che la / bsnyags / gyang ma zind / 'prang rub tu bros / gyang ma ?zind / re shig re shig na / gnam gyi / pa
P1134,0103 mtha' / dgung gi / pha 'bram na / g-yu' / yi pha bong / g-yag tsam shig mchis / g-yu'i / pha bong g-yag /
P1134,0104 tsham gyi / pha rold / na / g-yu'i / chu / myig / la / chu 'tung zhing mchis / g-yu'i chu myig gi / dngo ru / bse 'i /
P1134,0105 mang lag ni bres / lan tsha' / dgon / rtseg / gang zhig ni / gtor te bzhag / pu tang mgyogs tang nu
P1134,0106 yid mgyogs / gnyis / g-yu'i / chu myig tu / chu 'tung zhing / lan tsha dgo tsheg / gang la / ldag ching / gshegs / pa la / bse
P1134,0107 mang lag la togs / pu dang mgyogs / nu yid mgyogs / gnyis / sbreld / rgyang sbrel tu sbreld / nas / mang
P1134,0108 lag / gyer te byer / ri lung gnyisu *gnyis *su / bsnyags gyang ma slebs / g-yu'i chu myig du do zind / do ma zind
P1134,0109 gser gi chu myig du do zind / do ma zind / dngul / gi chu myig / tu do zind / do ma zind / ra gan gyi / chu
P1134,0110 tu do zind do ma zind / khar ba'i / chu myig / lchags gyi chu zangs / gyi chu tu / do zind do ma zin / ri la
P1134,0111 bros te song damu ri mtho la bros te song na / damu rje rgya' / bdun gyis / ri kha' / khus / btabste *btabs *te damu
P1134,0112 dbye che la / bkug damu zhags / gsang gis / bzungste *bzungs *te / 'brong gi / rdod sgrog gis brdod / bse'i / cho
P1134,0113 rol du ni bchug ste bzhag na / 'gon tshun / phywas / srab mda' / nas ni / bzung ste / bshums mo
P1134,0114 gis / bshumste *bshums *te / nga'i / bu chig / chig / 'pan te grongs / sdug ste ni rla gis / myed / na / pu dang
P1134,0115 mgyogs / tang nu yid mgyogs gnyis / gyis / chab gang la ru bya 'am myi yang ba rab tu spogs sam
P1134,0116 myi spogs shes / bgyis / lan chen / kha'is / blangs / dug chen mchus 'tungs / pha mgon chun *tshun / pywas
P1134,0117 khri de mkar lchags / mkar / rtshe dgu'i / nang du bchugste *bcugs *te / / 'bras / gyi / lchang pa la / sand / nas /
P1134,0118 sngomo *sngo *mo ngar pye' / ?la ni / bsgams / bu ram dug chu la ni / blud / glad la ru btags sna bya ru 'ong 'ong / 'on
P1134,0119 gshen drag / bu ni lha'i bu tsha ni srin gyi tsha' / myi bon / lha'i bon / rgya bon brim tang gis / rgyal tag
P1134,0120 brgyad / ni / gnam las / bre se gru bzhi ni / sa la / bchas / bas la ni / rgyal / bsgos / lung na ni / se bchaste' *bchas *te /
P1134,0121 gshin sde'u nyer bu ni brtshigs byang brtan kod mo ni bkod / shing tang bzhi' / ni btshugs / bya dgyi
P1134,0122 bzhi ni spard / mgyogs / gral du dngard / na / do ma snying dags / pon kar skyes / 'dab phu dang
P1134,0123 mgyoggs *mgyogs / nu yid mgyogs / gnyis / dral *gral du dngard / mgyogs / pum puM ni dar gis / bchings / rnga ma ni slungs
P1134,0124 su bchug / gnyen gang gis / ni / blta' / bon gang gis / ni / bgyerd / mgon tshun / phywa'is / skyibs / lug
P1134,0125 mar ba la / gtade *gtad *de / / da di ring pa 'chadu *'chad *du skyibs / lug / mar ba la gta *gtad do / nga 'i / bu / 'pan te ni grongs / sdug
P1134,0126 ste ni rlag / na / grongs myi bdur na / gson / mgur pras / rlag myi btsal na / pyugi *pyug *gi ra stongs / da' / pu
P1134,0127 dang mgyogs / tang / nu yid mgyogs / gnyis / mtho la rkal gyang myi phyugs / mnyam / du / skyibs
P1134,0128 lug mar bas / drongs shig / dam *dma' rab 'bog gyang myi phyugs myi phyugs / mnyam / du skyibs lug mar
P1134,0129 bas drong shig / da di ring pan chadu *chad *du / pu dang mgyogs / dang nu yid mgyogs / dang lhe'u yang ka rje
P1134,0130 dang gsum / yang / bya rog gu'i / spu dang mtshungs / smug rum / na bo ro / skyibs lug / mar / bas /
P1134,0131 bgris / na / lhe'u yang kha rje' / pu dang mgyogs / nu yid mgyogs / gsuM gna' ?sngu *su la phan te bsod /
P1134,0132 / / / gnam / rim pha dgu'i / steng du btsan btshun lha' / dkos / na / bzhugs / gyang myi phyugs / mnyam / du
P1134,0133 dkos / na bzhugs / sha bri ltar / logs la / snar gyang myi pyugs / mnyam / du logs / la / snar / / / gan *gna'
P1134,0134 su la pan te bsod / na / lhe'u yang kha rje' / la / do ma / snying dags / pan te bsod / / / da di ring sang lta
P1134,0135 na / spo ma nye du / kyod / gyi / rje' / ni grongs / gis / myed / g-yu ni grugs gyis / myed rje grongs / na / ba
P1134,0136 grogs / lta' / ga la srid / g-yu grugs / na / myi sbyar lta / ga la srid / / da myi gshin pyiru *ru / spo ma / nye du /
P1134,0137 pon kar / skyes 'dab / kyod / 'dong dgos / gyis / / da do mod / naM *gnam gang la / btams / pa ngag tshig / sum /
P1134,0138 ni rka nyon chig / dpyid nyi ring pa ni nub tu 'jug shig / snyan drung ni sil / bon do / spu drung du ni / tams
P1134,0139 bzha *bzhag go / bsnan / drung ma rung / glan drung ma btagste *btags *te / rna drung du sub ba re / kho re ye / lele *le *le / lam lum
P1134,0140 du / las sa re / sab sub tu / zho ma re / btams / pa ngag tshig sum / ni rkar gson / chig / dro dpyId nyi
P1134,0141 ring po / ni / nub tu 'jugs / na / mtshungs / tang ni mtsungs / gi / yul du / bzhu do / mnyam sa tang ni
P1134,0142 mnyams / gyi yul / du bzhu do / rje yid / gyis / ni / bsaMs / shing bzhu do / kol / dang gis ni mno / shing
P1134,0143 'gro'o / ri dga' / ri / la / gshin / rtsi pang / phung / yul dga' / yul / na / chu gshin chu ni snga na / bzal bzu
P1134,0144 la / di ring pan / chadu *chad *du / spo nye du' / kyod gyang rje bden gyis / bgol / na gle spar ka dod / gis / ka ngand / gyis
P1134,0145 kha ngand gyi / myI bza' / sga bden / gyis / bstad na / myi ngand / rgya ngand / kha ngan gyis / myi ngand / gzhu /
P1134,0146 ker / gis / myi 'pang / di ring pan chadu *chad *du / do ma snying dags / kyo na / rnams / gyang skyibs lug mar
P1134,0147 ba la / gad de gtang / grwa' / dpung mar la / gta *gtad de gtang / la / mtho rgal / myi phyugs / mnyam / du rgal
P1134,0148 gyang skhyibs *skyibs / mar / bas / drongs / shig / dma' / rab 'bog / gyang / myi / pyugs mnyam / du / skyibs lug /
P1134,0149 mar bas / drong shig / / / mtho 'da' na / gong sreg / lta'r *ltar / rgol chig / dma' rab 'bog gyang
P1134,0150 bye ba lhum pa ltar myi phyugs / mnyam du / 'bog shig / / / di ring pan chadu *chad *du / ngo shes / ni / bdag / lo
P1134,0151 nga shig / sna nar / rdzi gzod / chig / gzha *gzha' ring / tung gi / do ma / snying dagso *dags *so / stsang 'o bg / gi / pon
P1134,0152 kar skyes / 'dabo *'dab *bo / do ma snying dags / pon kar / skyes 'dab / khyod / gyis / bkur na ni ri yang
P1134,0153 teg / bsnyag / na / ni bya yang slebs / / di ring pan cha *chad du / mtho la / 'das / gyang myi phyugs / mnyaM / du
P1134,0154 'daste *'das *te / la mto'i ni gchan / pas de na yang pon kar skyes 'dab / gis / mgar ltar ni /
P1134,0155 chen chig / / / dma' / rab 'bog gyang myi pyugs / mnyam / du 'bog ste' / rab gyi ni gchan
P1134,0156 pas / der na do ma snying dags / gis / smra zam gi gru ltar / togs / shig / / / da / gshin yul /
P1134,0157 bre ma / dang / du / byon / na / rtswa' / dbyar / sngo / dgun / sngo yang sngu na mchis / chu / myig / grang grung yang
P1134,0158 sngu na / mchiso *mchis *so / rtsi gshin / sngo na / mchis / / 'bre das / drag / gis / dras ded / pa ni / dmag rabs
P1134,0159 gyi / rta po / slad nas / mchi'o / skyibs / lug / mar ba dang bgrogs / te deng shig / btsan btshu
P1134,0160 na / dang mtshungs / dgos / na bzhugs / gyang myi phyugs / mnyam / du bzhugs / sha bri ltar
P1134,0161 bas / la / snar / gyang myi pyugs mnyam bas la / snor chig / / myi dang rta la / bsnand / pa' / myi / rma bu
P1134,0162 mchin rgyal / 'di / myil myi grongs / gi yul / dga' / yul / byang rnams na / dpan gyi ni bu chig / grongs
P1134,0163 bdag myi rlag gi yul / brla mo / chab kor / na / dbul / gyi / pa chi rla gis / myed / gson / che *tshe
P1134,0164 lo / brgya' ni / bra nga bsnyan la / dengs / grongs tshe bdu'na *bdun / 'bum ni / snam phyi gdub ltar / 'gor /
P1134,0165 te' / di ring slan chadu *chad *du / skyin dang bab / gi 'og / tu / myi ngu / myi / gson / gshin /
P1134,0166 yul / myi / gchig / khyi pag / tsang myi gchig / di ring pan / chadu *chad *du / 'jigs /
P1134,0167 yul du / don gnyar 'tshalo *'tshal *lo / sad khung du / zhing rmo 'tshalo *'tshal *lo / gnam
P1134,0168 pyir mda' / pang 'tsalo *'tsal *lo / gshin / yul du / tan bta' /
P1134,0169 gshin yul du tan bta' na tand gyi / gcas gyang ga la yod ches / spo ma tugs ma / gdung /
P1134,0170 shig / 'gro lam myed gyang lam 'par / 'tsalo *'tsal *lo / nang dro myed gyang dro btsal 'tsalo'a *'tsal *lo / nub gyi / dgong
P1134,0171 na dgongs / 'phral la btsal 'tshalo *'tshal *lo / shi ste myi sos / na / zhang pho bdud / bgyonde *bkyond *de / phywa'i / ni / sras / bgrongs
P1134,0172 so / gshin yul du / gshin yul du tan / bta' na tan gyi gchas / tan gyi gchass *gchas myed pa
P1134,0173 sdang ma yar mos / bu yar mo la / gshin yul / du / tand bta' / ba'i / gchas / myedo *myed *do / / di ring slan
P1134,0174 chadu*chad *du / gshin yul nas / slar 'gor pa'i / myi mye *myed do / / di ring sang lta' / na / 'greng myi yi bu bskyed
P1134,0175 bskyed na / ta ma / sa'i / 'og / du 'das / gyis / myedo *med *do / mgyogs gyi bu bskyed bskyed
P1134,0176 ta ma gchor du / 'daso *'das *so / bzang rnab rnab na ta ma zhugs tog / dmar la zheno *zhen *no / mgyogs breng breng
P1134,0177 na / gor tog slum gyi ya bo / / gda' bskyed bskyed na / ta ma chur 'daso *'das *so / gna' / pa myes / ched pho / chu
P1134,0178 gang yang ba / di rIng / sang lta na / bu tsha gzhon / gyi bdud / di ring pan chadu *chad *du / dro gdugs las / gyang 'pa
P1134,0179 go *'pag *go / sdug / bu las gyang 'pango *'pang *ngo dro ma las / gyang 'pango *'pang *ngo / rtsi gson rtsi spang rtshi spur bu las gyang 'pango *'pang *ngo
P1134,0180 rtsi gzhin / rtsi phyab ma dang mtshun rtsi yung brang dang yang mjaldo *mjald *do / lha lug ngo / mar dang / phyugs /
P1134,0181 la / snyer bzhon las gyang 'phango'a *'phang *ngo / / yul / gson / yul / ngar 'gams / na / gshin gshin /
P1134,0182 yul brem dang na / 'bras gi lchang pa dbyar sngo dgun / sngo' / dang mjaldo *mjald *do / yul gshin /
P1134,0183 yul / na / byang skyogs / dung skyogs / gyi / nang du chang blugs / pa gshin yul / 'brem dang / ri ro
P1134,0184 sgam la / chab myig rngo bzangs / chang bas / zhim / snyan / dar snyan / chig rgyang / ring du ma gsand
P1134,0185 chig / spyan spug spyan ni / rgyang ring du ma gzigs / shig / gor zad ni shing dengs / te / do ma
P1134,0186 snying dags / gyi rmyig pa lchags / rmyig bzhi' / mar rtsed phying nu gngagi *gang *gi / rtshed pying / yang
P1134,0187 ba'i / rtsed pying / gshin yul / na / mdo ro dar bas / 'jaM / mo / myi me'u / gnyen / gyis / nas
P1134,0188 nas rtshed nas / bon pa ni / gshin / yul 'brem / dang na / gram bu --- ?cal *bal ruM na bye ma gnub bas 'jam mo /
P1134,0189 di rIng phan cad du se mo ye le ye' re gnag thibse *thibs *se thibs se / bye'u phu ru ru rgya bya gang
P1134,0190 ka tsIg cig pu ru ru 'gro lam myed de brag la / lam tshol ba skyIbs lug / grwa dbung
P1134,0191 mar rbas brag 'dra'o dphung pas ri 'phulo *'phul *lo / mtsho rab myeng la rab / /
P1134,0192 'dod pa pyo pyo rgyal te pyagso *pyags *so / spo ma nye du khyod snga grin ni / / gshin yu
P1134,0193 la 'brem dang na phyugs gson gshin myi gson gshin gnyis / rje gollo *khol *lo /
P1134,0194 skhyibs *skyibs / lug / mar ba khyod / pa myed gyi pa'o / ma myed gyi ma rtsi kham gyis / stsan gyang
P1134,0195 myi khyod gyis son chig / chu rngubs gyis / glud gyang myi khyod gyis / lud chig / / / /
P1134,0196 # / : / da' / la dang dgos gyi mying ba ni / bki'u la' / zegs spangs / shig / spang chig / pa
P1134,0197 ru 'das na / gtshos dgo bre nge breng / sha rgyang ram ma rem / san kar skya bo zhig / gnam
P1134,0198 ru za nge zang lam gyi g-yon rold / na / go *gos su sgong rum gyond / brtsedu *brtsed *du / sbrang bus
P1134,0199 brtsed / laM gyi g-yon rol na / go *gos su tshem bu gyond / za su / pye mar za' / lasu *las *su /
P1134,0200 nun lug 'tsho' / lam gyi g-yas rold na / gosu *gos *su ra byard gyond / zasu *zas *su / ldum
P1134,0201 tog za' / rogsu *rogs *su / brag chas / bsgrogs / nyon mongs / sdug pa'i yul / lam gyi
P1134,0202 g-yon rold na gosu *gos *su dka *dkar ru gyond / zasu *zas *su dkaru *dkar *ru za' / bsnyod ni / sbrang bus /
P1134,0203 bsnyon / dgo re gas / bsnyod / yul / gshin yul / na / ?glan *gran ba'i myi mye do skyibs lug
P1134,0204 mar bas glan ba'i rtsi yang bya' / nun lug gis / ma byas na / nang dro myed gyi
P1134,0205 yul / na / dro yod / nub dgongs myed gyi yul / dgongs / gyang yod / dbyar sngo dgun du
P1134,0206 sngo ste' / dag dang skyid pa'i / yul / smra shug rbum pho dbyar sngo dgun du sngo / ste snam ?rla *ral
P1134,0207 de ru khol chig / mching gi na dra' / sngon mo la / chibs / gyi' / pangs / rdod ni / de ru /
P1134,0208 rdod chig / bgre'u / 'i / ra ma pa mchis tang ra ma pa 'i btshasu *btsas *su / tshe'u sug / ya chig
P1134,0209 dang tshil re bo dar chig / 'ond chig / po brang ni g-yon tu rtibs shig / zhugs / tab ni / /
P1134,0210 g-yasu *g-yas *su glings shig / skyibs lug mar ba'i / 'ba *'ba' 'ba' / tabsum *tabs *sum la / rje yengste *yengs *te ma
P1134,0211 bzhugs / shig / pyugs / spho ma nye du / do ma snying dags khyed gyang mching gi na dra
P1134,0212 sngon mo la / yengs / ste ma 'dug shig / / / / de ste phan chadu *chad *du gnam dang sa' / 'dabs
P1134,0213 te / khrigse *khrigs *se khrigs / bye'u khug/sta *khugs *te song na 'ju gi mtha' za reg / bye'u
P1134,0214 skegs song na 'jugi *'jug *gi drung za reg myi bdag 'ongs / gyis / sgo bye zhes
P1134,0215 gsung ste spu mtshal / nyag chig / btshasu *btshas *su bor te' myi bzangs ni 'dzuld te gshegs
P1134,0216 shig / rta bzangs / ni / mdur te gsheg shig / khyi bzangs dom bzangs ni / 'dral te
P1134,0217 gsheg shig / ba bri ni / g-yab gyis / tob shig / de ste pan cha *chad du / bye ma nab nub gyang /
P1134,0218 snying ma bdun gyi lam / dga' / la / chig / pyur zhes / 'das / na / la'i / mying ba ni dro la / pam
P1134,0219 phum / spang chig pa ru snar / sha rgyang brenge *breng *nge breng gtsos dgo raM ma rem / san kar skya bo / zhi
P1134,0220 ga / gnam du za nge zang / lam gyi g-yon rold na / skyes po brgya' / zhig / mda' / rngal / 'pong
P1134,0221 rtsold te' / gosu *gos *su dkaru *dkar *ru gyond pyugsu *pyugs *su dkaru *dkar *ru btog dga' dang skyid pa'i / yul / sha ste
P1134,0222 ma bdur pha' / rlag / ste ma btshald / pa / mchen dmar / gri ma dmard pha / ba gar ba ma / bzhus
P1134,0223 te' / rtshi pyur lta' / zhing / nam gyi / 'on la rku' / yul / su'i / yul / zhes / bgyis na /
P1134,0224 myi btshun driru *drir *ru / grongs / pa'i / yul te' / nyon mos sdug pa'i / yul / lam gyi g-yon
P1134,0225 rold / na / gser / gi / lchang brang ser mo la / 'bang sga de ru khold chig / mching gi / na /
P1134,0226 dra' / sngon mo la / 'pangs rdod de ru rtod chig / dri gi / ra ma / pa mchis / tang btsasu'a *btsas *su /
P1134,0227 tshil / re bo dar chig / tang ne'u sug ya chig / bon chig / dbyar sngo dgun du sngo ste de na
P1134,0228 dgyes dgyes / lta' ste / gzha *gzha' ring tung gi yul / ma lags / gyis / de na ma bzhugs
P1134,0229 shig / pho brang ni g-yon / tu rtib shig / zhugs thab ni / g-yasu *g-yas *su glings / shig
P1134,0230 skyibs lug / mar ba'i / 'ba' / 'ba *'ba' tabs sum la / rje yengste *yengs *te ma bzhugs / zhig
P1134,0231 do ma snying dags / khyed gyang mching gi na / dra sngon mo / la / yengste *yengs *te ma bzhugs shig /
P1134,0232 de ste pan chadu *chad *du gnam dang gangs 'tabs te khrigse *khrigs *se / khrigs / bye'u khug sta'
P1134,0233 song na 'ju gi mtha *mtha' za reg / bye'u sgeg sa song na / mjugi *mjug *gi drung za reg / spu
P1134,0234 mtshal nyag chig / dang / tshil / re bo dar chig / dang ne'u sug / ya / chig / tang / la / btsasu *btsas *su /
P1134,0235 bonde *bond *de / myi bzangs / ni / 'dzulte *'dzul *te gsheg shig / rta bzangs ni mdur te gshegs shig
P1134,0236 rol / bzangs / ni / 'band te gshegs / shig / khyi bzangs / dom / bzangs / ni / 'dral / te gshegs
P1134,0237 shig / ba bri ni / g-yab gyis / tob shig / de sde pan chadu *chad *du gram bu gseg ma / yang snying ma
P1134,0238 bdun gyi lam / de ste pan chadu *chad *du / / la / chig paru *pa *ru 'das / na la'i / mying ba ni bgra la
P1134,0239 ljod mo / lags / bkra la ljod *chal *ljod mo ni / sphang chig pa ru snard / sha rgyang bre nge breng /
P1134,0240 gtsos / dgo re me rem / san kar skya bo zhig gnaM du zange *zang *nge zang / rgan / phyi gnyis / shig
P1134,0241 tu sro 'drab / dbyar sngo dgun sngo dgun du sngo / ste' / lam gyi g-yas / rold / na / myi
P1134,0242 rgan gnyis shig / rgan te ni / bkhra ma / mchod / yul de za su ni ldum tog za' / gosu *gos *su
P1134,0243 ni / sna lham gyond / shing ?du ni ma gal shing / 'bud / lam gyi ni g-yon rold / na / rgani *rgan *ni phyi
P1134,0244 rgas / te' / bkra' / ru ni ma mchod gyis / nyi ma ni nub tu 'jugs / lasu *las *su ni glu dang bro
P1134,0245 chu bchus / ni chang du rung myi bkra ma mchis pa'i / yul / te smra shug ni rmum / po
P1134,0246 zhig dbyar sngo ni dgun du sngo / snam ral / ni / rte ru khold / chig / mching gi / na
P1134,0247 dra ni sngon mo ni / dbyar sngo ni / dgun gyang sngo' / pangs rdod ni de' / ru / rtod / chig / bkra'i /
P1134,0248 ra ma pa mchis / tang ne'u sug ya chig tang tshil re bo dar chig / 'on chig
P1134,0249 skyibs / lug / mar ba'i 'ba' 'ba *'ba' tabs sum la / rje yengs ste ma bzhugs
P1134,0250 shig pyugs do ma snying dags / gyang mching gi na dra sngon mo la yengste *yengs *te ma /
P1134,0251 bzhugs shig / po brang ni g-yon tu rtib shig / zhugs tab ni g-yasu *g-yas *su
P1134,0252 glings shig / de ste pa 'chadu *'chad *du gnam dang g-ya' / 'tabs khrigs / bye'u khug
P1134,0253 sta' *khugs *te' / song na / mju gi mtha *mtha' za reg / bye'u sgeg sa song na / mjugi *mjug *gi drung
P1134,0254 za reg / de ste pan chadu *chad *du dga' / la / chig phyur zhes 'das na la de'i mying ba ni myi
P1134,0255 btshun sman du grongs pa'i la ste' / dga' / la chig pyur zhes 'das la de'i
P1134,0256 mying ba ni / skyes dard na grongs / pa'i / la / ste' / la chig pa ru rglad / spang
P1134,0257 chig pa ru snard / sha rgyang re me rem / gtshos / dgo' / bre nge breng / san kar
P1134,0258 skya bo gnam du za nge zang la chig pa ru 'das / spang chig pha ru snard / skyes /
P1134,0259 lam rlag / pa'i / yul / te' / lam gyi / g-yas rold / na bu lon khungs / ma
P1134,0260 kerd khram bu khur togs / pa'i yul / te' / lam gyi g-yon rold / na myi la /
P1134,0261 ngan ma byas / dud dgus / ni / bskyald 'dreng dgus ni bsnyod go *gos su ni / nyi ma
P1134,0262 dro gser gyi / lchang brang ser / mo' / la / snam / ral de' ru khol chig chibs / gyi
P1134,0263 rtod sani *sa *ni mthing gi / na dra' sngon mo / la / rtod chig / pho ni g-yon tu rtib shig /
P1134,0264 zhugs tab ni g-yasu *g-yas *su gling zhig de ste pan chadu *chad *du / gnam dang brag 'dab khrigse *khrigs *se krigs /
P1134,0265 bye'u gug sta song na mju gi mtha za reg / bye'u sgeg sa / song na mjug gi
P1134,0266 drung za reg / myi bzangs ni 'dzul te gshegs rta bzangs / ni mdurd te gshegs de ste
P1134,0267 pan chadu *chad *du / shing khung rab rib gyang snying ma bdun gyi lam / dag la chig / phyur zhes 'dasna *'das *na /
P1134,0268 dmag rta ma bsad pa / 'i / la ste' / la chig pa ru 'das / spang chig pa ru snar dmag rta khungs / nas
P1134,0269 pyung na lug lags bu gchig la / sga ?stan de ru kold pa'i la ste' / lam / gyi / g-yas / rold
P1134,0270 na dmag gi rta ma bsad pha'i yul te' / sga stan khur du kyer ba'i yul / lam / gyi / g-yon / rold
P1134,0271 na / dmag rta khungs nas / phyung na / sga stan / g-yasu *g-yas *su kold / lam gyi g-yas rold na / dmagi *dmag *gi rta ba ru
P1134,0272 srin rte 'u khrid na srin myig slad lhenge *lheng *nge lheng / srin skad tong tong / sga stan tang la / brul / ba'i /
P1134,0273 yul / lam gyi g-yon rold na / snga brin ded pha / do ma snying dags / 'bred / sa ded / pha / dmag / rab gi
P1134,0274 rta pho / gser gyi / lchang brang / ser mo la / snam ral / khol / chig mching gi na dra sngon mo la
P1134,0275 chibs deru *de *ru rtod chig / ra ma / pha / 'i / btsasu *btsas *su / ne'u sug / ya chig / tang
P1134,0276 tshil / re bo / dar chig / 'on / chig / ---
P1134,0277 de ste pan chadu *chad *du chab brag 'dabste *'dabs *te khrigse *khrigs *se khrigs de ste pan chadu *chad *du pa bong khral / khrol / gyang
P1134,0278 snyim / bdun gyi / lam / sring gi ba ma bsad pa 'i / la / ste' / dga' / la / chig pa 'das / na / sring ba khungs
P1134,0279 nas / pyung na / lugu *lug *gu lags / bu / gyang zo ba 'gul du togs / pa'i / yul / te / lam gyi /
P1134,0280 gyas / rold / na / sring gi ba' / ma bsad pa / 'i / yul / te bsgrogs na sring ra rgya mos
P1134,0281 bsgrogste *bsgrogs *ste zasu *zas *su / dbyar gyi ldum tog za' / lam g-yon / rol na / sring gi mtsho mo gungs
P1134,0282 nas / pyin na mu shu gnyan gyi' / 'bri brgya' / 'jo / ba bsab gchig / zhoru *zho *ru btam / lam gyi
P1134,0283 g-yas rol na sring bam *ba *ma bsad na / 'bri brgya' / 'pral / la / ded gyang zo stong mgul
P1134,0284 du togs / lam gyi g-yon rol / na / glang ma she'u glang / ma drung na sring gug sham
P1134,0285 za / tog / myi gnyen / shi na ba skya' / 'bring ting / ru sgrub byin / ba nang bzhos / pri nub
P1134,0286 bthung / bal nang blad / na / gos / nub bgob'i *bgo *ba'i / yul / te / ba dang myi gnyis / 'grogste *'grogs *te
P1134,0287 dga' / dang skyid pa'i yu *yul lo / smra shug rbum pho zhig / dbyar sngo dgun ｿsngo / ste' / snam / de
P1134,0288 ral de ru khol chig / de ste pa 'chadu *'chad *du / bdags tang sribs 'tabste *'tabs *te / khrigse *khrigs *se /
P1134,0289 khrigs / de ste pha 'chadu *'chad *du brag / dbye chu dgu yang snying ma bdun gyi lam / dga' la chig
P1134,0290 zhes 'das / na tsha lob khungs nas pyin / na / sru mo mnyes / gshIn mas / sha mo pubs
P1134,0291 shig / ri 'i sho ma mdab chig / pub ching gyong 'dug shig / lam gyi g-yas / rold na
P1134,0292 tsha' lob myed tang na / gos / brgya' / prugsu *prugs *su gtang la / bzard gyang / sdig tang pruM phrum
P1134,0293 ji / dang / yeng yeng gi yul laM gI g-yon rold na tsa lob khungs nas pyind na pur / kemura *ke *mur
P1134,0294 ke'is bkab pa sa khyim dgu / bas dro dbyard / sla sum la / re bo prugs suM bas
P1134,0295 gyang 'pru rji mas langs gi sgyabso *sgyabs *so dga' dang / skyid pa'i yul dbyard sngo dgun du
P1134,0296 sngo nang gI dro phog shig nub gI dgongs / phog shig / ra ma / pha'i / btshasu *btsas *su tse'u sug ycig *ya *cig
P1134,0297 dang / tsil / re bo dar cig byin cig / / / / /